პარიზი

პარიზი ერთ-ერთი ყველაზე პოპულარული ქალაქია ევროპაში. საფრანგეთის დედაქალაქი გამოირჩევა კულტურული მემკვიდრეობის ძეგლებით, საინტერესო არქიტექტურით, ფესტივალებით, ღამის ცხოვრებით და ტემპით. პარიზი მდებარეობს ჩრდილო-ცენტრალურ საფრანგეთში მდინარე სენის ნაპირებზე. პარიზი მდიდარია მუზეუმებით, გალერეებით, რესტორნებითა და ღამის კლუბებით. პარიზის ყველაზე ცნობილი სიმბოლოა სენის ნაპირას მდებარე 324 მეტრი სიმაღლის ყავისფერი ლითონის ეიფელის კოშკი.

ლონდონი

ქალაქის ისტორია იწყება რომაელების მიერ ლონდინიუმის დაარსებით. ლონდონის ისტორიული ცენტრია სიტი. დაახლოებით, XIX საუკუნიდან ლონდონს ეკუთვნის არა მარტო სიტი, არამედ მის გარშემო არსებული დასახლებებიც. 1965 წლის 1 აპრილს შეიქმნა ე.წ. დიდი ლონდონი. ლონდონში უენსტმინსტერის სასახლის ექვსი ზარიდან ყველაზე დიდ ზარს ეწოდება ბიგ-ბენი, რომელსაც თავად კოშკსაც უწოდებენ.

მადრიდი

მადრიდი ესპანეთის დედაქალაქი და უდიდესი ქალაქია. ის მესამე უდიდესი ქალაქია ევროკავშირში ლონდონისა და ბერლინის შემდეგ. მადრიდი გაშენებულია მდინარე მანსანარესის ორივე ნაპირზე. ეკონომიკური აქტივობის, ცხოვრების მაღალი დონისა და ბაზრის ზომის გამო მადრიდი ითვლება სამხრეთი ევროპისა და პირენეს ნახევარკუნძულის უმთავრეს ფინანსურ ცენტრად.

რომი

ყველა გზა რომში მიდის ! რომი არის იტალიისა და ლაციოს რეგიონის დედაქალაქი. რომის ისტორია 2,5 ათასწლეულზე მეტს მოიცავს. რომაული მითოლოგიის თანახმად, ქალაქი დაარსდა ძვ. წ. 753 წელს, თუმცა იგი ბევრად უფრო ადრე იყო დასახლებული, რის გამოც რომი არის ერთ-ერთი უძველესი მუდმივად დასახლებული ქალაქი ევროპაში.

ვენა

ავსტრიის დედაქალაქი მდინარე დუნაის ორივე სანაპიროზე მდებარეობს. ვენა ევროპის ერთ-ერთი ყველაზე დახვეწილი ქალაქია და საკუთარი ხანგრძლივი და მდიდარი ისტორიით დამსახურებულად უჭირავს დასავლეთის ცივილიზაციასა და მსოფლიო კულტურაში განსაკუთრებული ადგილი.