"ვუთხარი, რომ უგულავას დაკავება საშინელი და ძალიან ცუდი იქნებოდა"- კინზინგერი "ოცნების" ლიდერებთან შეხვედრას იხსენებს

პოლიტიკა - 16:59, 03 Mar, 2020

857

აშშ-ის კონგრესში საქართველოსთან მეგობრობის ჯგუფის თანათავმჯდომარე ადამ კინზინგერი "ევროპული საქართველოს" ლიდერის გიგა ბოკერიას დაკავებით შეშფოთებულია და საქართველოს პარლამენტის თავმჯდომარესთან შეხვედრას იხსენებს.

მისი თქმით, "ქართული ოცნების" ლიდერებს ნათლად უთხრა, რომ უგულავას დაკავება "საშინელი და ძალიან ცუდი იქნებოდა".
"ძალიან შევშფოთდი, როცა ჩვენთან მოვიდა ხმები, რომ ეს მოხდებოდა. ჩემი პოზიცია ქართულ ოცნებას და ლიდერებს ძალზედ ნათლად გავაცანი, ვუთხარი, რომ ეს საშინელი და ძალიან ცუდი იქნებოდა. ქართველ ხალხმა უნდა იცოდეს, რომ მათი სასამართლო სისტემა, როგორც აქ შეერთებული შტატების, სამართლიანი და თავისუფალია და არაა პოლიტიკურად მიკერძოებული. ჩვენ ძალიან ვღელავთ, როცა ვხედავთ რომ ტელევიზიის მმართველებს, რომლებიც ოპოზიციისადმი სიმპათიით არიან განწყობილი, დევნიან, ან პოლიტიკურ ლიდერებს ხელახლა აკავებენ საქმეზე, რომელზეც უკვე მოიხადეს სასჯელი. მე მოვუწოდებდი საქართველოს მთავრობას აქედან გამოსავალი იპოვოს, გამოიყენოს სასამართლო სისტემა, სამართლისთვის და მხოლოდ სამართლისთვის. ეს იქნებოდა კეთილსინდისიერი ნაბიჯი ყველას გასაერთიანებლად მოლაპარაკებების მაგიდასთან. მმართველი დაოპოზიციური პარტიების ინტერესებშია იპოვონ გამოსავალი, და საარჩევნო ყუთამდე სწორად მივიდნენ. არსებული სიტუაცია დღეს საქართველოსთვის კარგი არაა, არავისთვის არაა კარგი, განსაკუთრებით მთავრობისთვის"- აცხადებს კონგრესმენი "ამერიკის ხმასთან" ინტერვიუში.