აშშ-ს რესპუბლიკერი კონგრესმენის, ადამ კინზიგერის ახალ ინტერვიუს საქართველოში რამდენიმე პოლიტიკური პარტიის შეფასება მოჰყვა, მათ შორის, ევროპული საქართველოს ლიდერი გიგა ბოკერია ეხმაურება.

ბოკერიას თქმით, ივანიშვილის გარემოცვის გამო, საერთაშორისო პოლიტიკურ ასპარეზზე, საქართველო იფუჭებს საგარეო პოლიტიკას. ეს ყველაფერი კი საქართველოს საგარეო პოლიტიკას ზიანს მოუტანს.

''ზოგადად, პარტნიორებს შორის ასეთი რეაქცია გამოიწვია იმან, თუ როგორ მოიქცნენ ქართული ოცნების ლიდერი ბიძინა ივანიშვილი და "მისი პოლიტიკური მასხარები პრაგმატულად ყველა ჩვენს მეგობარს აქვს ინტერესი, რომ მის სიტყვას ჰქონდეს ფასი და ეს ადამიანები, ეს უტიფარი ლიდერი და მისი გარემოცვა, საკუთარი ამ ბრიყვული გათვლის გამო, რომ ასე შეინარჩუნებენ ძალაუფლებას, შარში გვხვევენ ჩვენს საუკეთესო მეგობრებთან. ეს ყველაფერი საქართველოსთვის ზიანის მიმყენებელი ვითარებაა, რომელშიც ქვეყანა ივანიშვილმა შეიყვანა,"- ამბობს ბოკერია.

ბოკერია ასევე აღნიშნავს, რომ კარგი იქნება თუ ივანიშვილი და მისი გარემოცვა გაიაზრებს რა გზაზე დგანან ბოლო პერიოდის განმავლობაში, მათ აქვთ ჯერ კიდევ მცირე დრო გონზე მოსასვლელად.

"კარგი იქნება, თუ ივანიშვილი გააცნობიერებს იმას, რა გზაზე დადგა უკვე თვეებია. თუ ამას გააცნობიერებს, მათ შორის ამ გზავნილების შედეგად, ჯერ კიდევ აქვს პატარა დრო გონზე მოსასვლელად,’’- ბოკერია

შეგახსენებთ, რომ აშშ-ს კონგრესმენმა კინზინგერმა საქართველოში არსებული ვითარების შესახებ "ამერიკის ხმასთან" ინტერვიუში ისაუბრა. გარდა იმისა, რომ მისი თქმით, მოულოდნელი იქნება ის, რასაც აშშ მოიმოქმედებს იმ შემთხვევაში, თუ საარჩევნო პროცესთან დაკავშირებით პროგრესს ვერ დაინახავს.