დაავადებათა კონტროლის ეროვნული ცენტრის დირექტორის, ამირან გამყრელიძის თქმით, ჰიგიენური წესები დაცვა, საჭიროა ყველასთვის, მათ შორის, ეკლესიისთვისაც.

გამრელიძის თქმით, კორონავირუსული ინფექციის დაწყებისთანავე ის დაუკავშირდა საპატრიაროს და სთხოვა, რომ ჰიგიენურ წესებზე შესაბამისი გადამზადება ჩაეტარებინა.

„გუშინ თუ გუშინწინ დამისვეს კითხვა, რაზეც ვუპასუხე - ჩვენ ვიძლევით რეკომენდაციას, რომ ამ დროს გასაძლიერებელია ზოგადი ჰიგიენური წესების დაცვა. როგორიცაა, ხშირად ხელების დაბანა, დეზინფექცია,ასევე ის, რომ ერთჯერადად გამოვიყენოთ პირბადეები, ჭიქა თუ საინექციო საშუალებები და ა.შ.

ეს არის ჩემი რეკომენდაცია ყველასადმი – საპატრიარქოსადმი, ეკლესიასადმი. ის კი არა ეკლესიას შევთავაზე მაშინაც, რომ როდესაც მრვლი იკრიბება, იქნებ დისპენსერები იდგეს, სადაც ხელებს დავიბანთ,“ აცხადებს გამყრელიძე.

"ველოდები მის უწმინდესობას ვეახლო და ამ საკითხზე ვესაუბრო... მე გუშინ მინუსად ჩამითვალეს, როდესაც ვთქვი, რომ ვერ მივცემ რეკოემდაციას, რომ რაიმე რიტუალი შეიცვალოს. მე ვიძლევი რეკომენდაციას, რომ საჭიროა იმ ჰიგიენური წესების დაცვა, რომელიც ეხება იმ რიტუალსაც.

საზოგადოებრივი საფრთხე თუ იქმნება, მიუხედავად ჩვენი უღრმესი პატივისცემისა, ეს ყველამ უნდა გავითვალისწინოთ. ჩვენ ვაშენებთ სამართლებრივ სახელმწიფოს, ჩვენ სულ ყველა ერთი ვართ კანონის წინაშე, მას ყველა უნდა ვიცავდეთ,“- თქვა გამყრელიძემ.