უმრავლესობის ლიდერმა , მამუკა მდინარაძემ "ოცნების" ცენტრალურ ოფისში გამართული შეხვედრის შემდეგ ჟურნალისტებთან კომენტარი გააკეთა.

მდინარაძემ განაცხადა, რომ მმართველმა გუნდმა ოპოზიციას პროპორციულ სისტემასთან მიახლოებული მოდელი შესთავაზა.

"ის ვინც ამ შეთანხმებაზე არ წამოვა, იქნება საზოგადოების წინაშე ვალდებული, რომ აუხსნას საზოგადოებას რატომ არ დათანხმდა შემოთავაზებას, მათ შორის ჩვენს საერთაშორისო პარტნიორებს, რომლებიც ცდილობენ, ამ საკითხების მოდერაციით საქართველოს დაეხმარონ ახალ საარჩევნო სისტემის შექმნაში. ჩვენი მხრიდანაც ისეთი მოდელია მოფიქრებული, სახალხლო ენით რომ ვთქვათ, თუ შარზე არ ხარ, შეუძლებელია არ დათანხმდე", - აღნიშნა მდინარაძემ ჟურნალისტებთან.