პარლამენტის ვიცესპიკერი გია ვოლკსი ეხმაურება ზვიად კუპრავას თავდასხმას, მისივე თქმით იგი აღარავის ახოვს და ამიტომ გამიზნულად სცემეს რათა ოცნებას დაბრალებოდა.

"კაა" აღარავის ახსოვს, იფიქრეს, მოდი, ვცემოთ და მაინც ქართულ ოცნებას დავაბრალოთო" - იძახის ვოლსკი.

ასევე გია ვოლსკი ევროპული საქართველოს წევრის, ირმა ნადირაშვილის კომენტარსაც ეხმაურება და ამბობს, რომ "თუ ვინმეს აწყობდა დღეს ასეთი განცხადებების გაკეთება და მით უმეტეს, გამოუსადეგარი კუპრავას ცემა, ეს არის სწორედ ის პარტია, ვისაც ხმამაღლა მოყვირალი ქალბატონი წარმოადგენს".

"ადამიანი, რომელმაც დიდი ალბათობით პარლამენტში ქიმიური ნივთიერება მოასხა და ბევრი ადამიანის ჯანმრთელობას საფრთხე შეუქმნა, გამოვიდა და კატეგორიულად მოითხოვა, დავიცვათ უდანაშაულობის პრეზუმფცია და ნუ დავადებთ ხელს, იმის მიუხედავად, რომ ვიდეოზე ჩანს, ვინ არის ორი სკუნსი. ამავდროულად, დღეს გამოდის და უაპელაციოდ აცხადებს, რომ ზვიად კუპრავას, რომელმაც თავის მარგი ქმედების კოეფიციენტი ამოწურა, თავს დაესხა ხელისუფლებაში მყოფი ძალა",- ამბობს ვოლსკი საზოგადოებრივი მაუწყებლის ეთერში.

შეგახსენებთ, რომ გაერთიანებული ოპოზიციის წევრს ზვიად კუპრავას გუშინ, 27 თებერვალს საკუთარ სახლთან თავს დაესხნენ. კუპრავა თავდასხმას მის აქტივობებს უკავშირებს და ამბობს, რომ ეს ხელისფულების პასუხია.

კუპრავას მტკიცებით, საკუთარ სახლთან უცნობმა ორმა პირმა სახეში გაურკვეველი ნივთიერება შეასხეს და სცემეს.