"ვერ ვხედავ ვერანაირ არსებით გააზრებას ივანიშვილისგან, მისი სხვადასხვა პოლიტიკური, რომ უნდა შეიცვალონ პოზიცია არსებითად და მოეგონ გონს" - როგორ დამთავრდა ხელისფლებასთან მოლაპარაკება

პოლიტიკა - 15:33, 27 Feb, 2020

1199

„ევროპული საქართველოს“ ერთ-ერთმა ლიდერმა გიგა ბოკერიამ ევროკავშირის წარმომადგენლობის ოფისში გამართული ბშეხვედრის შემდეგ განცხადება გააკეთა და თქვა: " მე ჯერ ვერ ვხედავ ვერანაირ არსებით გააზრებას ივანიშვილისგან, მისი სხვადასხვა პოლიტიკური სპიკერისგან თუ კლოუნისგან, რომ უნდა შეიცვალონ პოზიცია არსებითად და მოეგონ გონს".

მისი თქმით, თუ ეს მოხდება, მოხარული იქნებიან.

"ვითარება არ შეცვლილა. ჩვენი პოზიცია არის იგივე, ჩემი პოლიტიკური გუნდის და ასევე გავრისკავ და ვიტყვი, რომ ოპოზიციური სპექტრისაც, მთლიანად, ვინც იკრიბება „ლეიბორისტებთან“. ორი კომპონენტი გვაქვს, რომ მოხდეს ქვეყანაში ნორმალიზაცია. ერთი არის პოლიტიკური დევნის შეჩერება, პოლიტპატიმრების გათავისუფლება და მეორე არის საარჩევნო სისტემაზე ისეთი კომპრომისი, რომელიც საზოგადოების დაკვეთას პასუხობს, ანუ, არსებითად პროპორციული სისტემის მიღება. ეს ორი კომპონენტი არის ურთიერთდაკავშირებული. ცალ-ცალკე არ არსებობს, ანუ შეუძლებელია ერთ-ერთის გარეშე საუბარი იყოს რაიმე პოლიტიკურ შეთანხმებაზე და ნორმალიზაციაზე“,- განაცხადა ბოკერიამ.