მოძრაობა ''სირცხვილიას'' ერთ-ერთი ლიდერი, ნოდარ რუხაძე საკუთარ სოციალურ ქსელში, აჭარის ტელევიზიაში მიმდიანრე დაძაბულ სიტუაციას ეხმაურება, მისივე თქმით საზოგადოებაში არ იგრძნობა მხარდაჭერა და ტელევიზია პირისპირ მიტოვებულია ივანიშვილისა და რეპრესიულ მანქანასთან.

''ისეთი განცდა მაქვს, თითქოს აჭარის ტელევიზია ყველამ დავივიწყეთ და პირისპირ შევატოვეთ ბიძინა ივანიშვილსა და რეპრესიულ მანქანას.

თემის გაშუქება არ მყოფნის, ვერც მხარდაჭერას ვგრძნობ საზოგადოებაში. თითქოს არავის აქვს ინფორმაცია იმ გულის ამრევ და სამარცხვინო პროცესებთან დაკავშირებით, რაც იქ ხდება.

არ მესმის, რატომ არ გვაქვს მგრძნობელობა, როდესაც ეს ხელისუფლება დამოუკიდებელ და კრიტიკულ მედიას ანგრევს და ანადგურებს?

ნუთუ, მხოლოდ სპეცრაზმით უნდა შეიჭრან ტელევიზიაში ხმა რომ ამოვიღოთ?

იქ დარჩენილო, გამოგდებულო, წამოსულო, გადაყენებულო, რეპრესირებულო, მებრძოლო და პროფესიონალო ჟურნალისტებო, თქვენ იცავთ ახლა ამ ქვეყნის დემოკრატიას. ჩემს ევროპულ არჩევანს, სიტყვის თავისუფლებასა და მომავალს.

პირველ რიგში, მადლობა და ბოდიში რომ ასეთი სუსტები ვართ და ვერ გიცავთ.''- წერს რუხაძე საკუთარ სოციალურ ქსელში.