„ნაციონალური მოძრაობის“ ლიდერმა, გრიგოლ ვაშაძემ აშშ-ის ელჩის მოადგილესთან, ელიზაბეთ რუდთან არაფორმალური სადილის შემდეგ ჟურნალისტებთან კომენტარი გააკეთა.

გრიგოლ ვაშაძის განცხადებით აშშ-ს ელჩის მოადგილემ ის ადამიანები შეკრიბა, ვისთანაც მუდმივად აქვს კონტაქტი, მათ შორის, ხელისუფლებისა და ოპოზიციის დიალოგის გამო.

„საუბარი იყო პოლიტიკურ თემებზეც. არავითარი შეთავაზებები არ გაკეთებულა, არავითარი შეთანხმება არ ყოფილა. კონკრეტული საკითხები არ წამოჭრილა. საუბრის დასაწყისშივე ყველამ დააფიქსირა, რომ იგივე პოზიციებზე რჩებიან“, – განაცხადა გრიგოლ ვაშაძემ.

ცნობისთვის, ხელისუფლებისა და ოპოზიციის წარმომადგენლები საქართველოში აშშ-ის ელჩის მოადგილესთან, ელიზაბეთ რუდთან არაფრორმალურ სადილზე იმყოფებოდნენ.

შეხვედრას ასევე ესწრებოდნენ საქართველოში ევროკავშირის ელჩი კარლ ჰარცელი და გერმანიის ელჩი ჰუბერტ ქნირში. არსებული ინფორმაციით, შეხვედრას ხელისუფლებიდან არჩილ თალაკვაძე და ირაკლი კობახიძე ესწრებოდნენ.