მამუკა მდინარაძე: ''IPSOS-ის კვლევაზე: „39%-ს ვეპოტინებით თურმე. თქვენ წარმოიდგინეთ რეალური შედეგი რა არის?!"

პოლიტიკა - 16:54, 24 Feb, 2020

1203

საქართველოს პარლამენტის თავჯდომარის მოადგილემ, მამუკა მდინარაძემ კომენტარი გააკეთა IPSOS მიერ ჩატარებულ კვლევებზე. მისივე თქმით ოცნების რეიტინგი გაცილებით მაღალია ვიდრე კვლევის შედეგები და სახელისუფლებო ოპოზიცია ასაჯაროვებს.
„ისინი წარმოგვიდგენენ კვლევებს და არ წარმოგვიდგენენ მოსაზრებებს, რომლის მიხედვითაც „ქართულ ოცნებას" 18%; 20%; 25%; 30 %-იანი მხარდაჭერა აქვს. დღეს აღმოჩნდა, რომ მათი კვლევით, 34 და 39%-საც ვეპოტინებით თურმე. თქვენ წარმოიდგინეთ რეალური შედეგი რა არის, რა რეალური რეიტინგი აქვს „ქართულ ოცნებას" როდესაც ისინიც კი, 34-39%-ზე საუბრობენ. სერიოზულად რომ ვისაუბროთ IPSOS-ის კვლევის შედეგებზე, ჯერ რამდენიმე კითხვას უნდა გაეცეს პასუხი. საინტერესოა, ისევე, როგორც წინა შემთხვევაში - კვლევის შედეგები ფრანგულმა IPSOS-მა გამოაქვეყნა თუ რუსულ-უკრაინულმა IPSOS-მა, რომელმაც წინა შემთხვევაში გვითხრა, რომ ხალხის მხოლოდ 18% ამბობდა რომ „ქართული ოცნება" გაიმარჯვებდა. ახლა რატომღაც 34% თუ 39%-მდე გაიზარდა.
ზუგდიდის არჩევნების წინ, მათ 18%-იანი ირიბი მონაცემი დადეს. აქედან ალბათ დასკვნა ძალიან მარტივია. ასევე, ძალიან მნიშვნელოვანია ვინ ჩაატარა საველე სამუშაოები. წინა შემთხვევაში არ გაგვიმხილეს. იქნებ ახლა მაინც გაამხილონ, რომელმა ორგანიზაციამ ჩაატარა საველე სამუშაოები - ნაციონალური მოძრაობის ორგანიზაციებმა თუ რომელიმე სხვა დამოუკიდებელმა ორგანიზაციამ", - აღნიშნა პარლამენტის თავმჯდომარის მოადგილემ, მამუკა მდინარაძემ.