ხმაური თბილისის მერიასთან - ანას ბაღის გადასარჩენად შეკრებილები მერიის შენობაში არ შეუშვეს

პოლიტიკა - 16:37, 24 Feb, 2020

827

ხმაური და დაპირისპირება თბილისის მერიასთან - ანას ბაღის ტერიტორიაზე მცხოვრები მოსახლეობა და სამოქალაქო აქტივისტები მერიისგან ითხოვენ პასუხს თუ ვინ და რატომ დაარბია ადგილობრივების მოწყობილი ალტერნატიული სკვერი.

ვითარება მას შემდეგ დაიძაბა რაც სამოქალაქო აქტივისტებმა მერიის შენობაში შესვლა და განცხადების დატოვება სცადეს. მერიის შესასვლელი მთლიანად იყო ბლოკირებული საპარტულო პოლიციისა და მერიის დაცვის სამსახურის მიერ. ისინი მოქალაქეებს შენობაში შესვლის საშუალებას არ აძლევდნენ.
დაპირისპირისპირების დროს დაშავდა სამოქალაქო აქტივისტი ნატა ფერაძე. საბოლოოდ სამოქალაქო აქტივისტებმა მაინც მოახერხეს შენობაში შესვლა და განცხადების დაწერა. ისინი მერიისგან პასუხს ელოდებიან.
"ეს აღარ არის საჯარო სამსახური. ეს არის ქოცების სამსახური გვინდოდა ლაივის გაშვება და განცხადების დაწერა . ნამწვივით გადმომაგდო დაცვამ მერიის შენობიდან. ჩვენი პროტესტი არ დასრულდება . დრეს ვარკეტილში ისევ სკვერს გავაშენებთ და მერიასთან პროტესტი არ შეწყდება" - განაცხადა ნატა ფერაძემ.
ანას ბაღის ტერიტორიაზე მცხოვრები მოქალაქეების ადვოკატი აცხადებს, რომ აღნოიშნული ფაქტი არის კანონდარღვევა . იგი აცხადებს, რომ ალტერნატიული სკვერი, რომელიც ანას ბაღის ტერიტორიაზე იყო მოწყობილი სამშენებლო კომპანიის საკუთრება არ არის.
"ეს იყო აბსოლუტურად უკანონო გადაწყვეტილება . მოსახლეობის მიერ მოწყობილი პარკის, სამშენებლო კომპანიის თანამშრობლების მიერ დარბევა უკანონობაა. თუ პარკი უკანონოა ამისთვის არის ზედამხედრველობის სამსახური და მას უნდა მიეღო შესაბამისი გადაწყვეტილება. ვითხოვთ, რომ სასწრაფოდ დაიწყოს გამოძიება, სხვისი ნივთის დაზიანების ფაქტზე, რომელმაც მნიშვნელოვანი ზიანი გამოიწვია" - აცხადებს ადვოკატი.