პოლიტიკური მოძრაობა ''ტრიბუნას’’ ლიდერი, დავით ჭიჭინაძე გამოეხმაურა საკომიტეტო მოსმენაზე ფინანსთა მინისტრის არმისვლას. ჭიჭინაძის თქმით, პრემიერ-მინისტრი იმდენად „ცარიელი ადგილია", რომ ივანე მაჭავარიანსაც ვეღარ აკონტროლებს.

‘’თუ ივანე მაჭავარიანს ძველბიჭობა და „ბლატაობა“ უნდა, მაშინ ისიც უნდა იცოდეს, რომ ვინც სიტყვას არ ასრულებს, ეგეთ ადამიანს ჭრელ პერანგს აცმევენ, - ჭიჭნაძემ ეკონომიკის კომიტეტის სხდომაზე განაცხადა.

„ყველაფერი ფორმალობად იქცა. მაჭავარიანს ეტყობა აერია, სად იმყოფება. თუ ძველბიჭობა და „ბლატაობა“ უნდა, მაშინ ისიც უნდა იცოდეს, რომ ვინც სიტყვას არ ასრულებს, ჭრელ პერანგს აცმევენ და მათ რა სახელიც ჰქვიათ, ის უნდა დავარქვათ მასაც. მინისტრის სავარძელი კი არა, ეგეთ ადამიანებს თავიანთი ადგილი აქვთ, მაგრამ როგორც ვატყობ, მთელი მთავრობა ეგეთ ადამიანად იქცა. ვფიქრობ ისინი არამხოლოდ ოპოზიციის ან უმრავლესობის, არამედ არავის წინაშე აღარ თვლიან თავს ანგარიშვალდებულად, გარდა ივანიშვილისა,"- აღნიშნა დავით ჭიჭინაძემ.