პოლიტიკური მოძრაობა ''ტრიბუნას’’ ლიდერმა, დავით ჭიჭინაძემ გააკეთა განცხადება ფინანსთა მინისტრის სხდომაზე არ მისვლის შესახებ, მისივე თქმით საქართველოს პარლამენტში ხელფასებს ტყუილად იღებენ, დღევანდელი პარლამენტის როლი და ფუნქცია ნულის ტოლია.

''საჭიროა, დიდი ბოქლომი დავადოთ ამ პარლამენტს. ხელფასებსაც ტყუილად ვიღებთ, საწვავსაც ტყუილად ვწვავთ. გათბობა, ელექტროენერგია მიდის. იქნებ, იმ ადამიანებს გადავუნაწილოთ, ვისაც ძალიან უჭირს. დღევანდელ სახელმწიფოში ამ პარლამენტის როლი და ფუნქცია დასულია 0-მდე. ყველა ელოდება, როდის დაინიშნება საპარლამენტო არჩევნები. როგორ შეიძლება პარლამენტში 1 წელი იმ რეჟიმში მუშაობდეს, რომ თავისი ვადის დასრულებას ელოდებოდეს?! ვფიქრობ, უკვე ჩვენთვის იქნებოდა შეურაცხმყოფელი ივანე მაჭავარიანთან ერთად აქ ჯდომა და რაღაცაზე საუბარი. დროა, ამ პარლამენტს მართლა დავუხუროთ თავისი უფლებამოსილების ვადა და დავნიშნოთ ვადამდელი არჩევნები,”- განაცხადა ჭიჭინაძემ.