''ქვეყანა ჩალით არ არის დახურული, ვერავინ გაბედავს ანას ბაღში მშენებლობას''

''ქვეყანა ჩალით არ არის დახურული, ვერავინ გაბედავს ანას ბაღში მშენებლობას'' - თბილისის მერი

პოლიტიკა - 11:53, 24 Feb, 2020

933

თბილისის მერი, კახა კალაძე განცხადებას აკეთებს, ანას ბაღთან დაკავშირებით, მისივე თქმით, ანა ბაღს არანაირი პრობლემა გააჩნია. ის ასევე აღნიშნავს რომ ანას ბაღთან მიმართებაში მერიას თავისი დამოკიდებულება აქვს და ერთადერთი, რაც იგეგმება, ბაღის სრულ რეაბილიტაციაა.

როგორც კალაძე განაცხადებს, "ვერავინ გაბედავს", რომ პარკებსა და სკვერებში მშენებლობა დაიწყონ.

"თუ ვინმეს ჰგონია, რომ ქვეყანა ჩალით არის დახურული და საზოგადოებას შეცდომაში შეიყვანენ და მოატყუებენ, ეს ნამდვილად არ გამოუვათ, არ გამოუვათ ჩემი მერობის პირობებში. იმიტომ, რომ ჩვენ ყოველდღიურად გვაქვს კომუნიკაცია საზოგადოებასთან და ვაწვდით ინფორმაციას ქალაქში მიმდინარე პროცესებზე, არ გვერიდება არც გამოწვევებზე საუბარი. არსებული ტერიტორია, რაც ჰქონდა ანას ბაღს იმას კიდევ დავამატებთ მუნიციპალურ მიწებს, რომ რაც შეიძლება დიდი სკვერი გამოვიდეს და იყოს ულამაზესი სივრცე" - განმარტა კალაძემ.

ამ წუთებში ანას ბაღის პარტიზანულად გაკეტებული სკვერის დაშლა მიმდინარეობს. ადგილზე მობილიზებულია სამშენებლო კომპანიის წარმომადგენლები და პოლიცია.

შეგახსნებთ, რომ 22 თებერვალს ადგილობრივი მოსახლეობამ, რომელიც რამდენიმე თვეა ანას ბაღის გადასარჩენად იბრძვის, აქტივისტებთან ერთად სკვერი პარტიზანულად გააშენეს. მათ ასფალტის საფარი დაამტვრიეს და მცენარეები დარგეს.

ანას ბაღის დასაცავად მოსახლეობა აქციას რამდენიმე თვეა მართავს. მათ უნდათ, რომ 10 სართულიანი კორპუსი არ აშენდეს, რადგან პარკის არსებობას საფრთხის წინაშე აყენებს.