დაახლოებით 100 წლის გემის ნარჩენების იდენტიფიკაციით ბერმუდის სამკუთხედის კონსპირაციული თეორია გამოაშკარავდა.

SS Cotopaxi 1918 წელს ააგეს და ამავე პერიოდში გაუშვეს ოკეანეში. თუმცა გემმა დიდხანს ვერ შეძლო თავისი ფუნქციის შესრულება და ის 1925 წელს „გაქრა“. არსებობდა თეორიები, რომ გემი ე.წ ბერმუდის სამკუთხედში მოხვდა და გაქრა. ბერმუდის სამკუთხედი არის ატლანტის ოკეანის რაიონი, რომელიც მდებარეობს აშშ-ის სამხრეთ-აღმოსავლეთ სანაპიროსთან. წააგავს სამკუთხედს. მისი გვერდები გადაჭიმულია იმ წერტილიდან, რომელიც მდებარეობს ბერმუდის კუნძულების რაიონში, ფლორიდის ნახევარკუნძულის სამხრეთი ნაწილის სამხრეთ-აღმოსავლეთით, შემდეგ ბაჰამის კუნძულების გასწვრივ, პუერტო-რიკოს კუნძულთან, სადაც კვლავ უხვევს თითქმის ჩრდილოეთისაკენ და უბრუნდება ბერმუდებს დაახლოებით დასავლეთი გრძედის 65°-სთან. თაობები საუბრობენ ბერმუდის სამკუთხედის საოცარ და საიდუმლოებით მოცულ რაიონზე.

SS Cotopaxi 2015 წელს იპოვეს, რომელსაც „გემი მოჩვენება“ ეწოდა. კვლევების შემდეგ დადგინდა, რომ გემის ნარჩენები ეკუთვნის 1925 წლის პირველ დეკემბერს გაუჩინარებულ გემს.