"რუსეთის საგარეო დაზვერვის სრულიად უგუნური და უსირცხვილო კიბერთავდასხმის კამპანია სუვერენული და დამოუკიდებელი საქართველოს წინააღმდეგ"

"რუსეთის საგარეო დაზვერვის სრულიად უგუნური და უსირცხვილო კიბერთავდასხმის კამპანია სუვერენული და დამოუკიდებელი საქართველოს წინააღმდეგ" - ბრიტანული უშიშროება რუსეთს ამხელს

პოლიტიკა - 10:20, 21 Feb, 2020

1698

„სრულიად უგუნური და უსირცხვილო ქმედება“ უწოდა რუსეთის მხრიდან საქართველოს სამთავრობო საიტებზე განხორციელებულ კიბერთავდასხმას ბრიტანეთის საგარეო საქმეთა მდივანმა დომინიკ რააბიმ. მისი თქმით, ოქტომბრის თვეში სახელმწიფო აპარატის, სამაუწყებლო კომპანიებისა და მათი ინტერნეტ საიტების ონლაინ შეტევა რუსეთის მიერ იყო განხორციელებული.
„რუსეთის მთავრობის წინაშე მდგარი არჩევანი ნათელია: ის აგრესიულ ქმედებას გააგრძელებს სხვა ქვეყნების წინააღმდეგ ან საერთაშორისო სამართლის პატივისცემით გახდება პასუხისმგებლიანი პარტნიორი“.
„გაერთიანებული სამეფო გააგრძელებს მათ გამომჟღავნებას, ვინც სრულიად უგუნურ კიბერთავდასხმებს განახორციელებს და მოკავშირეებთან მუშაობას აგრძელებს რუსეთის საგარეო დაზვერვის სამსახურის საგანგაშო ქცევების დასაძლევად“- წერს ბრიტანელი პოლიტიკოსი.
შეგახსენეთ, ოქტომბერში განხორციელებულმა კიბერთავდასხმამ 2000 მეტი საიტი გათიშა. სამთავრობო საიტებზე ზოგან გამოისახა საქართველოს მესამე პორეზიდენტის ფოტო წარწერით: "მე დავბრუნდები". მიხეილ სააკაშვილმა მაშინვე უარყო კიბერშეტავასთან კავშირი და რუსეთი პირველმა დაადანაშაულა.
გაერთიანებული სამეფოს ეროვნული კიბერუსაფრთხოების ცენტრში დღეს ბრიტანულმა სამთავრობო კომუნიკაციების სათავო დაწესებულებამ განაცხადა, რომ ალბათობის 95 პროცენტით, „თითქმის ზედმიწევნითი სიზუსტით“ კიბერთავდასხმა რუსეთის საგარეო დაზვერვის სამსახურის მიერ არის განხორციელებული.