რუსეთის საგარეო საქმეთა სამინისტრო ქართული მხარის მიერ გაკეთებულ განცხადებას, გამოეხმაურა. საუბარია კიბერშეტევის ბრალდებაზე, რომელიც რუსეთის საგარეო საქმეთა მინისტრის მოადგილე ანდრეი რუდენკომ სააგენტო РИА-სთან საუბრისას უარყო.

რუდეკო აღნიშნულ ბრალდებაზე პასუხისმგებლობას თავად ქართულ მხარეს აკისრებს.

“ეს კომენტარები საქართველოს იმ წარმომადგენლების სინდისზე არის, რომლებმაც ისინი გააკეთეს. რუსეთს განზარახვა არ ჰქონია და არც ახლა აქვს საქართველოს საშინაო საქმეებში რაიმე ფორმით ჩაერიოს”, – აღნიშნა ანდრეი რუდეკომ.

ცნობისთვის, საქართველოს საგარეო საქმეთა სამინისტროს წარმომადგენელმა, ალექსანდრე კონსტანტინიდიმ სპეციალურ ბრიფინგზე განაცხადა, რომ 2019 წლის 28 ოქტომბერს საქართველოზე ფართომასშტაბიანი კიბერშეტევა განხორციელდა.კიბერშეტევის სამიზნე სახელმწიფო უწყებები და მედია ორგანიზაციები იყვნენ. სამინისტროს ინფორმაციით კიბერშეტევის შედეგად დაზიანდა ორგანიზაციების სერვერები, მართვისი სისტემა და მნიშვნელოვნად შეფერხდა მათი ფუნქციონირება.