„ადრე ციხიდან ნაწამები ადამიანები გამოდიოდნენ, დღეს კი კოსტუმში გამოდიან“

„ადრე ციხიდან ნაწამები ადამიანები გამოდიოდნენ, დღეს კი კოსტუმში გამოდიან“ - დიმიტრი ხუნდაძე ვანო მერაბიშვილზე

პოლიტიკა - 13:34, 20 Feb, 2020

977

ვანო მერაბიშვილის პატიმრობიდან გათავისუფლებას და შს ყოფილი მინისტრის მიერ გაკეთებულ პირველ განცხადებებს შეფასებები მოჰყვა მმართველ გუნდში. მაჟორიტარი დეპუტატი დიმიტრი ხუნდაძე ამბობს, რომ გარკვეული ჯგუფები მზად არიან „მძიმე დანაშაულის მქონე ადამიანი ლიდერად წარუდგინონ საზოგადოებას“

პარლამენტის ჯანდაცვისა და სოციალურ საკითხთა კომიტეტის თავმჯდომარის თქმით, ადრე ციხიდან ნაწამები ადამიანები გამოდიოდნენ, დღეს კი კოსტუმში გამოდიან.

„როგორც ხედავთ ციხის კარები ზოგჯერ იხურება და ზოგჯერ იღება კიდეც. მთავარია, კარებთან სამართალი იდგეს და არა ვინმეს განწყობა იყოს მისი მამოძრავებელი, როგორს ეს აქამდე ხდებოდა. ისიც შესამჩნევია, რომ ადრე ციხიდან ნაწამები ადამიანები გამოდიოდნენ, დღეს კი კოსტუმში გამოდიან და იქვე პოლიტიკურ განცხადებებს აკეთებენ. ავიწყდებათ საკუთარი ხელით შექმნილი მძიმე წარსული, როცა სასჯელაღსრულების დაწესებულებებიდან, სტაბილურად, ყოველ 5 დღეში 3 გვამი გამოჰქონდათ და გარეთ, კიდევ დამატებით 2-ს ითხოვდნენ",-განაცხადა დიმიტრი ხუნდაძემ