საქართველოს პრეზიდენტი, სალომე ზურაბიშვილი მიიჩნევს, რომ საქართველოს პარლამენტში საბჭოთა კავშირის ჰიმნის ჩართვით კანონი დაირღვა.

ამასთანავე, პრეზიდენტი აცხადებს, რომ სსრკ-ს ჰიმნის ჩართვა საქართველოს საკანონმდებლო ორგანოში პარლამენტის დისკრედიტაციაა და მოუწოდებს ყველა წევრს პატივი სცეს საკანონმდებლო ორგანოს.

“პარლამენტში საბჭოთა კავშირის ჰიმნის გაჟღერება ქართული სახელმწიფოს შეურაცხყოფა და კანონმდებლობის დარღვევაა. საკანონმდებლო ორგანოს სხდომათა დარბაზში ჰიმნის გამოყენება მიუღებელია და სახელმწიფო ინსტიტუტის დისკრედიტაცია. მოვუწოდებ საქართველოს პარლამენტის ყველა წევრს პატივი სცეს პარლამენტის მიერვე მიღებულ კანონს – ,,თავისუფლების ქარტია“, რომლის მიზნებსაც ეწინააღმდეგება გუშინ საკანონმდებლო ორგანოში პარლამენტის თავმჯდომარის გამოსვლისას მომხდარი ფაქტი”.