საპარლამენტო უმრავლესობის ლიდერი მამუკა მდინარაძე ვახტანგ გომელაურის დანიშვნასთან დაკავშირებით ოპოზიციის ნაწილის განცხადებას პასუხობს.

მისივე თქმით, გაუგებარია, რა ლოგიკას ავითარებენ, როცა საუბრობენ, რომ პოსტზე კონკრეტული პირი ივანიშვილის გარემოცვიდან დაინიშნა.

„ნებისმიერ ადამიანზე, რომელიც არის ჩვენს გუნდში და სადმე დაინიშნება, ამბობთ, ის იყო ბიძინა ივანიშვილის გარემოცვიდან. აბა, სააკაშვილის გარემოცვიდან ხომ არ დაინიშნებოდა "ქართული ოცნების" ხელისუფლების პირობებში? რა ლოგიკას ავითარევენ, ვერ ვხვდები. ამ თანამდებობაზე სააკაშვილის გარემოცვიდან უნდა დანიშნულიყო?"- განაცხადა მამუკა მდინარაძემ.

შეგახსენებთ, რომ დღეს უსაფრთხოების საბჭოს მდივნის პოსტზე შინაგან საქმეთა მინისტრი ვახტანგ გომელაური დაინიშნა.