სამტრედიაში, მომხდარმა სასტიკმა მკვლელობამ საზოგადოება კიდევ ერთხელ ჩააგდო შოკში . გუშინ, შუადღეს გავრცელდა საზარელი ინფორმაცია, რომლის მიხედვითაც იუსტიციის სახლში 25 წლის სალომე ბოხუას ქმარმა, გიგა აბრალავამ ყელი გამოჭრა.

გარდაცვლილის ნათესავი "ნიუპოსტს" უყვება, რომ წყვილს შორის უთანხმოება ხშირად იყო. ბოლო პერიოდში სალომე მამასთან ერთად, საკუთარ სახლში ცხოვრეობდა და განქორწინებაც ჰქონდა გადაწყვეტილი. მკვლელობამდე რამდენიმე დღით ადრე ქალი ქმარს დაეკონტაქტა და სთხოვა ცივილურად, სკაიპის საშუალებით მომხდარიყო განქორწინება და როგირც ამბობენ, გიგასგანაც თანხმობა მიიღო.

სამტრედიის იუსტიციის სახლში, ქალი მამამ საკუთარი ავტომობილით მიიყვანა და ვიდრე ის ავტომობილს აპარკინგებდა, შენობაში რამდენიმე წამის შესულ ნათიას ქმარი თავს დაესხა და სასიკვდილო ჭრილებები მიაყენა. 26 წლის გოგო ადგილზე გარდაიცვალა.

"ქაცმა ქალს ყელი წამებში გამოჭრა, დანა დააგდო და გაიქცა. ყვირილზე დაფეთებული მამა შემოვარდა და საკუთარი შვილის წინ გაჩერდა, რომელიც სისხლში ცურავდა. 6 და 8 წლის შვილები დარჩა. ამბობენ, რომ ქმარი მას ფიზიკურად ხშირად უსწორდებოდა. ორი შვილით ერთი თქვის წინ მოვიდა სახლში... ამბობენ, რომ გიგა აბრალავა ცოლს ამ ერთი თვის განმავლობაში მოკვლით არაერთხელ დაემუქრა"- აცხადებს ოჯახის ახლობელი, რომელმაც სახელის გამხელისგან თავი შეიკავა.

28 წლის გიგა აბრალავას ცხელ კვალზე დააკავეს. ახალგაზრდას ს დამამძიმებელ გარემოებებში ოჯახის წევრის განზრახ მკვლელობის ბრალდებით გაასამართლებენ და ბრალის დამტკიცების შემთხვევაში 17 წლამდე ვადით თავისუფლების აღკვეთა ემუქრება.