"ითხოვენ თავშესაფარს, ისინი საფრანგეთის სოციალური და ჯანდაცვის უწყებების ტვირთი ხდებიან... უვიზო რეჟიმი არ ნიშნავს პირობებისგან თავისუფალ მდგომარეობას"

"ითხოვენ თავშესაფარს, ისინი საფრანგეთის სოციალური და ჯანდაცვის უწყებების ტვირთი ხდებიან... უვიზო რეჟიმი არ ნიშნავს პირობებისგან თავისუფალ მდგომარეობას" - საფრანგეთის ელჩი დიეგო კოლასი

პოლიტიკა - 19:18, 17 Feb, 2020

1033

როდესაც ადამიანებს სურთ გამგზავრება საარსებო საშუალების გარეშე და ითხოვენ თავშესაფარს, ისინი საფრანგეთის სოციალური და ჯანდაცვის უწყებების ტვირთი ხდებიან - ამის შესახებ საქართველოში საფრანგეთის ელჩმა, დიეგო კოლასმა განაცხადა.
ელჩის თქმით უვიზო რეჟიმი არ ნიშნავს პირობებისგან თავისუფალ მდგომარეობას, ევროპაში გასამგზავრებლად მოქალაქეებს საარსებო საშუალებები სჭირდებათ.
„როდესაც ადამიანები ასე მგზავრობენ და უკან ბრუნდებიან, ეს შესანიშნავია. პრობლემა ისაა, როდესაც ადამიანებს სურთ გამგზავრება საარსებო საშუალების გარეშე და ითხოვენ თავშესაფარს. მათ უარს ეუბნებიან, რადგან არ არის ამის მიზეზი. თანხმობის შემთხვევაში, ისინი საფრანგეთის სოციალური და ჯანდაცვის უწყებების ტვირთი ხდებიან. სწორედ ამიტომ უშვებენ უკან, რომ არ აქვთ დარჩენის და სახელმწიფო სარგებლის მიღების უფლება. უვიზო რეჟიმი მათ ამის უფლებას არ აძლევს, რადგან არ აკმაყოფილებენ საფრანგეთში დარჩენის პირობებს. ჩვენ დღეს გვქონდა შეხვედრა, რადგან მნიშვნელოვანია შესაბამისი სასაზღვრო კონტროლი. ჩვენ კარგი თანამშრომლობა გვაქვს, რომ კონტროლი ეფექტიანი იყოს. მოქალაქეებს შეუძლიათ, გაემგზავრონ საფრანგეთში, თუ მათ აქვთ არსებობის საშუალებები. თუ გინდათ, რომ საფრანგეთში ერთი კვირით დარჩეთ, თქვენ ამის საშუალება უნდა გქონდეთ, სასტუმროს ჯავშანი, საკმარისი თანხა და ჯანმრთელობის დაზღვევა. თუ ეს საშუალებები გაქვს, პრობლემა არ არის“, – განაცხადა საფრანგეთის ელჩმა.