„არასერიოზულია, რომ ყველა, ვინც ბიძინა ივანიშვილს აკრიტიკებს, ამაში ფულს უნდა იღებდეს“

„არასერიოზულია, რომ ყველა, ვინც ბიძინა ივანიშვილს აკრიტიკებს, ამაში ფულს უნდა იღებდეს“ - Bloomberg-ის ჟურნალისტი თალაკვაძეს

პოლიტიკა - 10:32, 15 Feb, 2020

1560

Bloomberg-ის ჟურნალისტი, ილაი ლეიკი არჩილ თალაკვაძეს პასუხობს და ამბობს, რომ ერთადერთი, ვინც მის სტატიაში ფულს იხდის, ეს თავად ის გამოცემაა, სადაც მუშაობს. ჟურნალისტი ამერიკის ხმასთან ამბობს, რომ მცდარია მოსაზრება, ვინც ივანიშვილს აკრიტიკებს, ამაში ფულს უნდა იღებდეს.

„ეს სავსებით მცდარია, ერთადერთი, ვინც ჩემს სტატიაში ფულს მიხდის Bloomberg-ია, სადაც მე ვმუშაობ. არასერიოზულია მოსაზრება, რომ ყველა, ვინც ბიძინა ივანიშვილს აკრიტიკებს, ამაში ფულს უნდა იღებდეს. ეს ნიშნავს, რომ ევროკავშირი, კონგრესის წევრები, "ფრიდომ ჰაუსი" და სხვა სამოქალაქო საზოგადოებრივი ორგანიზაციები დიდი შეთქმულების ნაწილი არიან“, - უთხრა ლეიკმა „ამერიკის ხმას“.

საქართველოს პარლამენტის თავმჯდომარემ განაცხადა, რომ რომ ლეიკი სტატიაში ფულს იღებს.

„დასპონსორებული რომ არის, ეს იქიდანაც ჩანს, რომ Bloomberg-ს არც ერთხელ არ გაუშუქებია, რომ ბატონმა ბიძინა ივანიშვილმა 3 მილიარდზე მეტი დახარჯა საქართველოში სხვადასხვა პროექტებზე, მათ შორის განათლებაში, კულტურის განვითარებისთვის… დღეს აქვეყნებს მასალას, რომ თითქოს 77 მილიონს ხარჯავს”, - თქვა თალაკვაძემ.

ბოლო რამდენიმე თვის განმავლობაში, Bloomberg-ის გარდა, კრიტიკული სტატიები გამოქვეყნდა ისეთ გამოცემებშიც, როგორებიცაა Wall Street Journal, Washington Examiner და National Interest.