პოლიტიკური მოძრაობა ‘’ტრიბუნას’’ ლიდერი, დავით ჭიჭინაძე შეფასებას აკეთებს, გიორგი კვირიკაშვილისა და გიორგი მარგველაშვილის სავარაუდო დაბრუნებაზე.

„მარგველაშვილის და კვირიკაშვილის პოლიტიკაში ყოფნა ნანახი მაქვს და ისიც ვნახე რისი თავი აქვთ ამ ადამიანებს.“ - ჭიჭინაძე.

მისივე თქმით, არცერთს გაუკეთებია ქვეყნისთვის სასარგებლო, ასევე საზოგადოებას მოუწოდებს გაიხსენონ მათი განვლილი გზა და გაიხსენონ ერთ-ერთი შედეგიანი ნაბიჯი. მარგველაშვილის მხრიდან ვეტოების დადება კი მხოლოდ გართობას უფრო იყო ვიდრე პოლიტიკური სვლა.

„ერთადერთი რაც შემიძლია გითხრათ, ქვეყნის სასიკეთოდ არცერთს არ გადაუდგამს არცერთი ნაბიჯი. თუ არა და, შეგიძლიათ ნახოთ მათი განვლილი გზა და დაასახელოთ თუნდაც ერთი კარგი რამ გრძელვადიან პერსპექტივაში, რომელიც ჩვენ ქვეყანას გამოადგება.

ხოლო თუ მარგველაშვილს „ქართულ ოცნებასთან“ გარიგება არ ჰქონდა, რატომ თქვა უარი მეორე ვადით საპრეზიდენტო არჩევნებში მონაწილეობაზე ?! მითუმეტეს, რომ ოპოზიცია მხარდაჭერას ჰპირდებოდა.

მოკლედ, მე არც ერთი კრიტიკული მომენტი არ მახსოვს, როდესაც მან „ოცნებას“ და ბიძინა ივანიშვილის წინააღმდეგობა გაუწია

და ის, რომ ვეტოებს ადებდა რაღაცეებს, ეს გართობას უფრო გავდა, რადგან მაშინ „ოცნებას“ დეპუტატების იმხელა რესურსი ჰქონდა, რომ ვეტოს დაძლევა სეირის ყურება იყო, მეტი არაფერი.“ - განაცხადა ჭიჭინაძემ.