საქართველოში განვითარებულმა წინა საარჩევნო მწვავე პოლიტიკურმა სიტუაციამ, დაძაბული ფონი შექმნა საერთაშორისო ორგანიზაციებთან. რამაც შესაძლებელია საფრთხე შეექმნას საქართველოს ვიზალიბერალიზაციის საკითხს. ამ საკითხთან დაკავშორებით, მედიის მიერ დასმულ შეკითხვას უპასუხა იურიდიულ კომიტეტის თავჯდომარემ ანრი ოხანშვილმა, მისივე თქმით ვიზალიბერლიზაციის დაკარგვის საფრთხე არ არსებობს.

"ამ მიმართულებით კითხვის ნიშნების დასმის ობიექტური საფუძველი არ არსებობს".- ოხანიშვილი.

მისივე განმარტებით, საქართველო შეუქცევადად აგრძელებს კურსს ევროკავშირში და ნატოში ინტეგრაციისთვის.

„ეს არის ჩვენი შეუქცევადი კურსი, რომელსაც, რა თქმა უნდა, ვერაფერი კითხვის ნიშნის ქვეშ ვერ დააყენებს. ამ ყველაფრის დასტურია ჩვენს მიერ გატარებული რეფორმები, რა თქმა უნდა, არის გამოწვევები, ამ მიმართულებით ჩვენ აქტიურად ვმუშაობთ ჩვენს სტრატეგიულ პარტნიორებთან და ის მონაპოვარი, რომელიც ნიშნავს ჩვენი მოქალაქეების უვიზოდ გადაადგილებას ევროკავშირში, ვაჭრობის საკითხების გაუმჯობესებას ევროკავშირთან, აშშ-სთან, ეს საკითხები არის და იქნება ჩვენი ყოველდღიური საზრუნავი, რომ კიდევ უფრო გავაუმჯობესოთ ეს მიმართულებები, შესაბამისად, არანაირი კითხვის ნიშნები არ შეიძლება გაჩნდეს, არ არსებობს ობიექტური საფუძველი კითხვის ნიშნების დასმის", - განაცხადა ანრი ოხანაშვილმა.

მისივე თქმით, საერთაშორისო პარტნიორების მხრიდან გაკეთებული კრიტიკული განცხადებები ოპოზიციის მიერ საზღვარგარეთ ჩატარებული კამპანიის შედეგია.

"ჩვენ ყველა ვხედავთ და თვალყურს ვადევნებთ, რომ ის ოპოზიციური ჯგუფები, რომლებსაც არ გააჩნიათ ჩვენი საზოგადოების მხარდაჭერა, თითქმის არ აქვთ რეიტინგი, წინასაარჩევნო კამპანიას ატარებენ საზღვარგარეთ. იქნება ეს სტრასბურგი თუ ვაშინგტონი. ისინი ცდილობენ შეცდომაში შეიყვანონ პარტნიორები და ჩვენ ყველაფერს ვაკეთებთ, რომ ზუსტი ინფორმაცია მივაწოდოთ მათ", - აღნიშნა ანრი ოხანაშვილმა.