მელია: "4 აპრილს, 4 საათზე, გაერთიანებული ოპოზიცია საზოგადოების წინაშე წარსდგება ხელისუფლების ცვლილების კონკრეტული გეგმით"

პოლიტიკა - 17:47, 11 Feb, 2020

1189

"ნაციონალური მოძრაობის" ლიდერი ნიკა მელია ოპოზიციის გეგმებზე საუბრობს და ამბობს, რომ ოპოზიცია შეთანხმდება გეგმაზე, რომელიც დაფუძნებული იქნება აქტიურობასა და უკომპრომისო ბრძოლაზე.

„როდესაც ვამბობ უკომპრომისო ბრძოლას, აქ არ იგულისხმება მხოლოდ და მხოლოდ აქციები. იქნება ესეც და იქნება სხვადახვა ფორმები ხალხთან ურთიერთობაც, იქნება სოფელ-სოფელ სიარული თუ სხვა. მთავარია შევთანხმდეთ და ოპოზიცია გავიშალოთ მთელი ქვეყნის მასშტაბით და სისტემაში მოყვანილი გეგმით დავიწყოთ პროცესი, რომელიც დასრულდება გამარჯვებით“, – განაცხადა ნიკა მელიამ.

ამასთან მელიას განცხადებით, 4 აპრილს, 4 საათზე, გაერთიანებული ოპოზიცია საზოგადოების წინაშე წარსდგება ხელისუფლების ცვლილების კონკრეტული გეგმით.

"საზოგადოება შეთანხმებულია, რომ ბიძინა ივანიშვილი უნდა ჩამოშორდეს მართვის სათავეებს, მაგრამ მათ აინტერესებთ, რას სთავაზობს ოპოზიცია.
4 აპრილს, 4 საათზე, გაერთიანებული ოპოზიცია საზოგადოების წინაშე წარსდგება ხელისუფლების ცვლილების კონკრეტული გეგმით, რომელიც შეთანხმებული იქნება მთელს ოპოზიციურ სპექტრთან კონსენსუსის საფუძველზე" - ნიკა მელია