ლეიბორისტული პარტიის ოფისში დასრულდა ოპოზიციის შეხვედრა, სადაც პოლიტიკოსებმა მომავალი სამოქმედო გეგმა განიხილეს. კონსულტაციების შედეგად გაირკვა, რომ 4 აპრილს იმართება მასშტაბური საპროტესტო აქცია თბილისში. შალვა ნათელაშვილმა შეხვედრის დასრულების შემდეგ კომენტარი გააკეთა სამომავლო გეგმებთან დაკავშირებით-

„როდესაც ბიძინა ივანიშვილს დააპატიმრებენ და მას სადილზე არ მიუტანენ ვიტამინების იმ აუცილებელ რაოდენობას, რაც ეკუთვნის პატიმარს, მე ასევე დავიცავ ბიძინა ივანიშვილს. რეალობა არის ისეთი, რომ კაცი ერთი და იგივე ვითომ სამართალდარღვევაზე მესამედ მისცეს სისხლის სამართლის პასუხისგებაში და დააპატიმრეს ერთადერთი მოტივით, რომ მას უკავია შეურიგებელი პოზიცია იმ გველეშაპის მიმართ, რომელმაც სული ამოხადა ქვეყანას. გიგი უგულავა არის პოლიტიკური პატიმარი და ძალიან მალე გუშინ რაც ვიხილეთ უგულავას დაკავებასთან დაკავშირებით, იგივე გაუმეორდება მას, ვინც აღნიშნული ბრძანება და მისი სახელი არის ივანიშვილი“ - განაცხადა შალვა ნათელაშვილმა.