ოპოზიციის ლიდერისა და ევროპული საქართველოს ერთ-ერთი ხელმძღვანელი-ს გიგი უგულავას დაპატიმრებას ეხმაურება უცხოური მედია. დოიჩე ველეს სტატიაში ვკითხულობთ, რომ საქართველოს უზენაესმა სასამართლომ 3 წელზე მეტი ვადით თავისუფლების აღკვეთა მიუსაჯა ქვეყნის ერთ-ერთ წამყვან ოპოზიციურ ფიგურას, გიგი უგულავას.

სტატიის ავტორი ხაზს უსვამს, რომ უგულავას გარდა ოპოზიციის სხვა ლიდერებზე, დამოუკიდებელი მედიის მფლობელებზე სამართლებრივი დევნა ხორციელდება. გერმანული მედია საუბრობს, რომ ქართული ოცნების მხრიდან საარჩევნო რეფორმის ცვლილების ჩაგდებასა და შეუსრულებლობაზე და რომ ივანიშვილის პარტიამ ბოლო დროს ბიძინა ივანიშვილმა მწვავე კრიტიკა დასავლეთისგანაც დაიმსახურა.

ბრიტანული მედია როიტერსი კი აღნიშნავს, რომ საქართველოში ოპოზიციური ლიდერების დაჭერები მას შემდეგ განახლდა, რაც ხელისუფლების, ქართული ოცნებისა და ბიძინა ივანიშვილის წინააღმდეგ მასობრივი პროტესტი დაიწყო. სააგენტოში ნახსენებია აგრეთვე ის, რომ ქართულმა ოცნებამ პოლიტიკური დევნა მას შემდეგ დაიწყო, რაც ხელისუფლებაში მოვიდა 2012 წელს, რისი თვალსაჩინო მაგალითიცაა ყოფილი პრემიერ-მინისტრის, ვანო მერაბიშვილის დაპატიმრება