„ერთიანი საქართველოს“ ლიდერი, ნინო ბურჯანაძე, უგულავას საქმეზე უზენაესი სასამართლოს გადაწყვეტილებას ეხმაურება.

ბურჯანაძე აცხადებს, რომ ხელისუფლებამ ეს გადაწყვეტილება შეგნებულად მიიღო, რათა მოლაპარაკებების პროცესი ჩაეშალა.

„აბსოლუტურად წარმოუდგენელი გადაწყვეტილება იქნა მიღებული, მე არ მახსოვს არც ერთი პერიოდი როდესაც ადამიანს ერთი და იგივე დანაშაულისთვის ორჯერ ასამართლებდნენ, ეს არის წარმოუდგენელი ეს არის სამართლებრივი ნორმების ელემენტარული დარღვევა ეს არის განცხადება, რომ საქართველოში კანონი უბრალოდ აღარ არსებობს. დღეს ეს გადაწყვეტილება იქნა მიღებული შეგნებულად იმიტომ რომ ხელისუფლებამ იცოდა, რომ ოპოზიციას დიპლომატიურ კორპუსთან კონსულტაციების შედეგად, ჰქონდა ძალიან სერიოზული კონსტრუქციული წინადადებები, რომელზეც ხელისუფლების მიერ უარის თქმა იქნებოდა პრაქტიკულად შეუძლებელი, ხელისუფლება ამ სამართლიანი პროექტის შედეგადაც წააგებდა არჩევნებს, ამიტომ ხელისუფლება წავიდა ამ ნაბიჯზე, რომ ჩაეშალა მოლაპარაკება, მაგრამ ფორმალურად შეეცადა, რომ ჩვენ დაგვბრალებოდა მოლაპარაკების ჩაშლის პროცესი“,-განაცხადა ნინო ბურჯანაძემ.