,,ნაციონალური მოძრაობის” ლიდერი ნიკა მელია საქართველოს მესამე პრეზიდენტის მხრიდან პირადი შტაბის შექმნის ინიციატივასაც გამოეხმაურა.

მისი თქმით, ამ თემაში ინტრიგის ძიება უადგილოა.

„რატომ უნდა ვეძებოთ ინტრიგა იქ, სადაც არ არის, პირველი თებერვლიდან „ნაციონალური მოძრაობის“ ეგიდით 50 საარჩევნო შტაბი გაიხსნა და კიდევ ვაპირებთ ერთი ამდენის გახსნას. ჩემი აზრით, რაც მეტი საარჩევნო შტაბი იქნება და ადგილი სადაც შეიძლება კოორდინაცია მოხდეს სხვადასხვა პარტიებსა და საზოგადოებრივ ჯგუფებს შორის, ეს მოემსახურება ხელისუფლების დამარცხებას. ვერ ვხედავ ვერაფერს რამაც შეიძლება ჩვენი ერთობა დააზიანოს, განსაკუთრებით ამ ეტაპზე როდესაც ვართ ფინიშის სწორს მილიარდერი ივანიშვილის დასამარცხებლად. ლეიბორისტული პარტიის ოფისი არის ნათელი მაგალითი თუ როგორი მაქსიმალური კოორდინაცია გვაქვს ძირითად ფუნდამენტური საკითხების გარშემო,” - ამბობს მელია.