"ხელისუფლებას მოუწევს დათმობაზე წასვლა" - ექსპერტები ეუთო/ოდირის დასკვნაზე

პოლიტიკა - 10:14, 06 Feb, 2020

2165

ექსპერტები ეუთო/ოდირის დასკვნას აფასებენ და აცხადებენ, რომ "ხელისუფლებას მოუწევს დათმობაზე წასვლა, რადგან დოკუმენტში კანონპროექტის არაკონსტიტუციურობაზე საუბარია რ არის.

"ეს არის ხელისუფლებისთვის კიდევ ერთი დარტყმა იქიდან გამომდინარე, რომ დასკვნა არ ამბობს, რომ ეს კანონპროექტი კონსტიტუციას არ შეესაბამება. იქ ნათლად წერია, რომ ის ბოლომდე შეესაბამება საერთაშორისო სტანდარტებს.

თუ ერთიანობა იქნება ქვეყნის შიგნითაც და გარეთაც ამ საკითხზე, ჩემი აზრით ხელისუფლებას მოუწევს დათმობაზე წასვლა," - განაცხადა სტრატეგიული ანალიზის ცენტრის (GSAC) დამფუძნებელმა, ევროპული კვლევების დირექტორმა გიორგი რუხაძემ.

GIPA-ს რექტორმა თორნიკე შარაშენიძე ეჭვობს, რომ ხელისუიფლება ამ დასკვნასაც დააიგნორებს.

"ხელისუფლებისთვის მთავარი პრობლემა ის არის, რომ მას ქართველი ხალხი აღარ ენდობა, მსგავს შეფასებებს და დასკვნებს კი დიდი ხანია იგერიებენ იმით, რომ ეს ნაცების შეთხზულია და სიცრუეში აცხოვრებენ დასავლელ პარტნიორებს. ასე რომ ეჭვი მაქვს ამასაც რაღაცნაირად დააიგნორებენ," - აღნიშნა GIPA-ს რექტორმა თორნიკე შარაშენიძემ.

ეუთო-ოდირის მიერ რამდენიმე საათის წინ დასკვნა გამოქვეყნდა, სადაც ოპოზიციის მიერ შეთავაზებული ე.წ გერმანული საარჩევნო მოდელია განხილული, დასკვნაში ნათქვამია, რომ მსგავს სისტემაზე გადასვლა "შესაძლებელია, განხორციელდეს ორგანულ კანონში ცვლილებების შეტანით, რაც, კონსტიტუციის თანახმად, ხმათა უბრალო უმრავლესობითაა შესაძლებელი."

"საერთაშორისო სტანდარტები არ გვთავაზობენ საარჩევნო სისტემების განმარტებას, შესაბამისად, რა შეიძლება ჩაითვალოს პროპორციულ, მაჟორიტარულ თუ შერეულ საარჩევნო სისტემად, პოლიტიკური და სამართლებრივი კვლევის საგანია." - ნათქვამია დასკვნაში.

ეუთო-ოდირის დასკვაში აღნიშნულია, რომ ოპოზიციის მიერ წარდგენილი შეთავაზება შეესაბამება "უნივერსალური, თავისუფალი, ფარული და პირდაპირი ხმის მიცემის, ასევე პერიოდული არჩევნების პრინციპებს".