"ქართული ოცნების" ერთ-ერთი ლიდერის მამუკა მდინარაძის განცხადებას ეუთო/ოდირის დასკვნის შესახებ "ევროპული საქართველოს" წევრი სერგი კაპანაძე ეხმაურება.

კაპანაძე ამბობს, რომ „ქართულმა ოცნებამ“ მორიგი ტყუილების თქმა დაიწყო.

„დაიწყო ტყუილების მორიგი კასკადი ...

ეუთო/ოდირმა დადო დასკვნა, სადაც არც ერთი სიტყვა არ არის ნათქვამი, რომ ჩვენი შეთავაზება არის არაკონსტიტუციური.

არადა, არაკონსტიტუციური რომ იყოს, ამას ძალიან ღიად იტყოდა, ზუსტად ისე, როგორც შარშან მოლდოვას უთხრა - თქვენი საარჩევნო კოდექსის პროექტი არაკონსტიტუციურიაო!

ტყუილს ძალიან მოკლე ფეხები აქვს. უბრალოდ, ქართული ოცნების უსტაბაშები იმედოვნებენ, რომ ხალხი შტერია და ამ დასკვნას არ წაიკითხავს, ამიტომ ისევ თავისი მითებით გამოკვებავენ“, - წერს კაპანაძე.

შეგახსენებთ, ეუთო/ოდირის დასკვნა ოპოზიციის მიერ მომზადებულ საკანონმდებლო ცვლილებათა პროექტზე, რომელიც არჩევნების, ე.წ. გერმანული მოდელით ჩატარებას ითვალისწინებს დღეს გამოქვეყნდა.