მარტყოფთან, ღვთაების მონასტერში მკვლელობის შესახებ ახალი დეტალები ხდება ცნობილი.

არსებული ინფორმაციით, მკვლელობა გამთენიისას მოხდა.

მოკლული შუახნის მამაკაცი მონასტერში სტუმრად იმყოფებოდა. როგორც მონასტრის წინამძღვარი აცხადებს, მამაკაცი ბოლო ერთი წლის განმავლობაში მონასტერს ხშირად სტუმრობდა და რამდენიმე დღით რჩებოდა. მისი თქმით, მამაკაცი მკურნალობდა და ლოცულობდა.

გავრცელებული ინფორმაციით, ბრალდებული 50-წლამდე მამაკაცია, წარსულში მკვლელობისთვისაა ნასამართლევი და როგორც მონასტერში ამბობენ, ფსიქიკასთან დაკავშირებით პრობლემები ჰქონდა. აღნიშნული პირი გაქცეულია.

კელიაში სამი მამაკაცი ერთად ცხოვრობდა. დღემდე მათ კონფლიქტი არ ჰქონიათ.

მონასტერში მომხდარი მკვლელობის ფაქტზე შინაგან საქმეთა სამინისტრო გამოძიებას სისხლის სამართლის კოდექსის 108-ე მუხლით აწარმოებს, რაც განზრახ მკვლელობას გულისხმობს.