''თუ თქვენ მოლოდინი გაქვთ, რომ ერთი შეხვედრის შემდეგ ვინმე იტყვის, რაც ვთქვი, ტყუილი აღმოჩნდაო, ასეთი მოლოდინი მე არ მაქვს ''

''თუ თქვენ მოლოდინი გაქვთ, რომ ერთი შეხვედრის შემდეგ ვინმე იტყვის, რაც ვთქვი, ტყუილი აღმოჩნდაო, ასეთი მოლოდინი მე არ მაქვს '' - მდინარაძე სენატორების განცხადებაზე

პოლიტიკა - 15:10, 05 Feb, 2020

659

საპარლამენტო უმრავლესობის ლიდერი მამუკა მდინარაძე განცხადებას აკეთებს ქართულ დელეგაციასა და ამერიკელი სენატორების შეხვედრაზე, სადაც მისი თქმით არავინ გამოვა და აღიარებს საკუთარი ნათქვამის მცადრობას.

„თქვენ თუ მოლოდინი გაქვთ, რომ ერთი შეხვედრის შემდეგ ვინმე გამოვა და იტყვის, რაც მე ვთქვი, აბსოლუტური ტყუილი აღმოჩნდა ყველაფერიო, ასეთი მოლოდინი მე არ მაქვს. ‘’ - მდინარაძე

მისივე თქმით, შეხვედრა იყო ძალიან პოზიტიური.

"ჩვენ გავაგრძელებთ ინტენსიურ კომუნიკაციას ჩვენ სტრატეგიულ პარტნიორებთან იმისთვის, რომ მათ იცოდნენ სრული და ამომწურავი ინფორმაცია. ასევე, ჩვენ არ შეგხვდეს არანაირი პრობლემა პარტნიორებთან ურთიერთობაში, მათ შორის ჩვენთვის ძალიან ძვირფასია თითოეული კოლეგის დამოკიდებულება, რაც არ უნდა მიგვაჩნდეს, რომ რიგ შემთხვევში ამას არასწორი ინფორმაცია დაედო საფუძვლად", - განაცხადა მამუკა მდინარაძემ.

შეგახსენებთ რომ, სენატის საგარეო ურთიერთობათა კომიტეტის თავმჯდომარემ, ჯინ შაჰინმა და ევროპისა და რეგიონული უსაფრთხოების თანამშრომლობის ქვეკომიტეტის ხელმძღვანელმა ჯიმ რიშმა, საქართველოს საგარეო საქმეთა მინისტრ, დავით ზალკალიანთან შეხვედრის შემდეგ განცხადება გამოაქვეყნეს, რომელშიც აღნიშნულია, რომ პარტნიორი ქვეყნები კვლავ მოუწოდებენ საქართველოს მთავრობას შეასრულონ საკუთარი ვალდებულებები.

„მე განვაგრძობ მოვუწოდო პრემიერ-მინისტრ გახარიას და საქართველოს მთავრობას, სწრაფად შეასრულონ საკუთარი ვალდებულებები დემოკრატიული ინსტიტუტების გაძლიერების მიმართულებით, უზრუნველყონ სასამართლო დამოუკიდებლობა, გადადგან ნაბიჯები შეპირებული საარჩევნო სისტემის უზრუნველსაყოფად და პატივი სცენ სამოქალაქო საზოგადოების ჩართულობას”, - ნათქვამია ჯინ შაჰინის განცხადებაში.