ევროპული საქართველოს ერთ-ერთი ლიდერის, გიგი უგულავას ადვოკატის განცხადებით, უგულავას საქმეზე, 10 თებერვლას უზენაესი სასამართლო გადაწყვეტილებას გამოაცხადებს.

ადვოკატი, ბასილაიას თქმით, მათ აქვთ ეჭვი, რომ უზენაეს სასამართლოში დანიშნულმა შალვა თადუმაძემ მიიღო პოლიტიკური დავალება და ის უგულავასთვის თავისუფლების აღკვეთის გადაწყვეტილებას მიიღებს.

"უზენაეს სასამართლოში უვადოდ გამწესებულმა მოსამართლეებმა უკვე მიიღეს პირველი პოლიტიკური დავალება," - განაცხადა ბასილაიამ საქალაქო სასამართლოსთან გამართულ ბრიფინგზე.

მისივე თქმით, საქმეზე გადაწყვეტილება ზეპირი მოსმენის გარეშე გამოცხადდება ისე, რომ მოსამართლეების, მერაბ გაბინაშვილის და შალვა თადუმაძისგან, შემდგარი კოლეგია გიგი უგულავასა და მისი ადვოკატის პოზიციებს არ მოისმენენ.

ბასიალაიას თქმით, საქმე ეხება ე.წ თბილისის განვითარების ფონდეს, ასევე ეს არის საქმე რომელიც საქალქო და სააპელაციო სასმართლოში ისე დასრულდება, რომ უგულავას სასჯელი მოხდილად ჩაეთვლება.

"დღეს, როდესაც ამ სასამართლომ განაახლა ეს საქმე, ჩვენ გვაქვს ეჭვი, რომ დავალება არის მიცემული თადუმაძისთვის, რომ გიგი უგულავას თავისუფლება იქნეს აღკვეთილი,"- ამბობს ბექა ბასილაია.

ადვოკატმა აღნიშნა, რომ ამას ის აფიქრებინეთ, რაც ბოლო პერიოდში გიგი უგულავას წინააღმდეგ მიმდინარეობს, მათ შორის 11 დეკემბერს აეროპორტში მასზე თავდასხმა და შემდეგ ისევ მისთვის ბრალის წარდგენა, ასევე პროკურატურის ოქროს მოწმის, გიორგი კაპანაძის დაკითხვის განახლება.

"ამ კონტექსტში უნდა დავინახოთ ბიძინა ივანიშვილის განცხადება, როდესაც ის ამბობს, რომ დაჭერები გაგრძელდება და 10 თებერვალს ჩვენ ისე, რომ სხდომაზეც კი ვერ მივიღებთ მონაწილეობას, გავიგებთ იმას, თუ რა გადაწყვეტილება მიიღო თადუმაძემ, რომელიც საინტერესოა, რომ ამ საქმის საკასაციო საჩივრის მომზადების დროს იყო გენერალური პროკურორი. რამდენიმე თვის წინ ის იყო ამ საქმის პროკურორი და დღეს არის ამ საქმის მოსამართლე," - თქვა ბასილაია.

შეგახსენებთ, რომ უგულავას პროკურატურა მერობის პერიოდში თბილისის განვითარების ფონდიდან 48 მილიონი ლარის მითვისება-გაფლანგვას ედავებოდა.

2018 წლის 28 თბილისის საქალაქო სასამართლომ თბილისის განვითარების ფონდის საქმეზე 1 წლითა და 3 თვით თავისუფლების აღკვეთა შეუფარდა. თუმცა, სხვა საქმეზე გამოტანილმა განაჩენმა ახალი განაჩენი შთანთქა და გიგი უგულავას დღევანდელი სასჯელი მოხდილად ეთვლება.