ლევან იზორია პოსტის გარეშე დარჩა - ოპოზიციაში აცხადებენ, რომ დაზვერვის ყოფილი შეფი ივანიშვილის განაჩენს ელოდება

პოლიტიკა - 16:19, 01 Feb, 2020

1735

ლევან იზორია პოსტის გარეშე დარჩა - ძველ სამსახურში დაზვერვის ყოფილი ელჩი აღარ დადის. გერმანიაში ელჩად კი იგი ჯერჯერობით არ გაუშვიათ. საგარეო უწყებაში ამ ეტაპზე არ ადასტურებენ, რომ იზორია გერმანიაში საქართველოს ელჩად ინიშნება.

საგარეო საქმეთა საინისტროს განცხადების შემდეგ ოპოზიციაში გაუჩნდათ მოლოდინი, რომ იზორია ვეღარ დაიკავებს გერმანიაში საქართველოს ელჩის პოზიციას. ხელისუფლების ოპონენტები აცხადებენ, რომ დაზვერვის ყოფილი შეფი ახლა ბიძინა ივანიშვილის განაჩენს ელოდება იმასთან დაკავშირებით თუ სად და როგორ გააგრძელებს საქმიანობას. ვინაიდან ლევან იზორიას წინააღმდეგ არაერთი სისხლის სამართლის საქმეა აღძრული, ოპოზიციაში არ გამორიცხავენ, რომ იგი შიშით ივანიშვილმა დატოვოს საქართველოში და წინასაარჩევნო პერიოდში გამოიყენოს. ოპოზიციაში ამბობენ, რომ იზორიებს დასავლეთ საქართველოში
"იზორიას შემთხვევა არის იმის ნატელი მაგალითი, თუ როგორი ჩამოშლილი და დეგრადირებულია სახელმწიფო ინსტიტუტები. სახელმწიფო უსაფრთხოების საბჭოს მდივანს მოუწია პირადად განცხადების გაკეთება, რომ ის გაიპარა თანამდებობიოდან და ამტკიცებდა, რომ ინიშნებოდა გერმანიაში საქართველოს ელჩად მაშინ, როდესაც სათანადო პროცედურები არ მიმდინარეობს. სინამდვილეში ყველამ კარგად ვიცით, რომ იზორიას წინააღმდეგ უამრავი სისხლის სამართლის მასალები არსებობს პროკურატურაში და დღეს იზორია ელოდება ივანიშვილის განაჩენს, ის ან მიიღებს სასჯელს, ან მიიღებს ჯილდოს-მორიგ თანამდებობას" - აცხადებს ევროპული საქარტველოს წევრი, გიორგი კანდელაკი.
მმართველ გუნდში არ აქვთ დაზუსტებული პასუხი იზორიასთან დაკავშირებით. "ქართულ ოცნებაში" აცხადებენ, რომ იზორია გამოცდილი კადრია და კონტაქტები აქვს გერმანიაში, თუმცა ეს საკითხი უნდა გადაწყვიტოს საგარეო საქმეთა სამინისტრომ.