ევროსაბჭოს საპარლამენტო ასამბლეაზე გამოსვლის შემდეგ გერმანელმა პარლამენტარმა სალომე ზურაბიშვილ საქართველოში სექსუალური უმცირესობების უფლებების შესახებ დაუსვა კითხვა.

ფრენკ შვაბემ ზურაბიშვილს ჰკითხა თუ რა არის შესაძლებელი ამ მხრივ სიტუაციის გასაუმჯობესებლად და რისი გაკეთება შეუძლია პრეზიდენტს.

სალომე ზურაბიშვილმა გერმანელი პარლამენტარის საპასუხოდ განაცხადა, რომ ამ საკითხს ზედმეტად არ უნდა გაესვას ხაზი და რომ ქვეყანაში "ცენტრალური დისკრიმინაცია" და ინდივიდუალური პრობლემები არ არის:

"არ ვფიქრობ, რომ ეს საკითხი ზედმეტად უნდა გამოვკვეთოთ. ჩემს ადმინისტრაციაში და სხვა ადმინისტრაციებში ცენტრალური დისკრიმინაცია არ არის. არ არის ინდივიდუალური პრობლემები. საქართველოში პრობლემა იქმნებოდა საჯარო დემონსტრაციებზე, რასაც საზოგადოების ზოგიერთი ნაწილი წახალისებად აღიქვამდა. ჩემი აზრით, უსაფრთხოების უზრუნველყოფის და სხვადასხვა ჯგუფებს და ზოგ ექსტრემისტულ ჯგუფს შორის ძალადობის პრევენციის მხრივ პროგრესი გვაქვს. ვფიქრობ, მომავალ თვეებსა და წლებში ამ მიმართულებით პროგრესი გაგრძელდება" - განაცხადა ზურაბიშვილმა.