თემირლან მაჩალიკაშვილის საქმე საქართველოს პროკურატურამ ორი წლის შემდგომ გამოძიების გარეშე დახურა. 19 წლის თემირლან მაჩალიკაშვილის მიმართ სასიკვდილო გასროლა აუცილებელი მოგერიება იყო. პროკურატურა ამტკიცებს რომ არც გოგაშვილს და არცერთ სპეცრაზმელს არ დაურღვევია კანონი სპეცოპერციის დროს.

საქმესთან დაკავშირებით კომენტარს აკეთებს მალხაზ მაჩალიკაშვილი.

‘’ეს გამოძიება არც ყოფილა, არც დასაწყისი აქვს და არც დასასრული, ამ ყველაფერთან დაკავშირებით პასუხს ადვოკატები გაგცემენ“, - ამბობს ის "ნიუპოსტთან".

შეგახსენებთ, რომ 2017 წლის 26 დეკემბეს პანიკისის ხეობაში ჩატარებულ სპეცოპერაციას, რომლის შედეგადაც ტერორიზმის ხელწყობის ბრალდებით 4 პირი დააკავეს, მეხუთე- 19 წლის თემირლან მაჩალიკაშვიული კი საკუთარ საძინებელში მოკლეს, სახელმწიფო უსაფრთხოების სამსახურის (სუს) უფროსის პირველი მოადგილე სოსო გოგაშვილი ხელმძანელობდა. სუს-ი ამ ინფორმაციას უარყოფს, თუმცა თემირლან მაჩალიკაშვილის მშობლებმა სპეცოპერაციის დროს შემთხვევის ადგილზე მყოფი პირებიდან სოსო გოგაშვილი ამოიცნეს.