შინაგან საქმეთა მინისტრი ვახტანგ გომელაური ლევან იზორას ელჩად დანიშვნას ეხმაურება, მისი განცხადებით, იზორიას დანიშვნა თვენახევრის წინ იყო დაგეგმილი, ასევე მისი გერმანიაში ელჩად გაგზავნა. უბრალოდ ეს ყველაფერი პოლიტიკურ ფონს დაემთხვა.

საქართველოს დაზვერვის სამსახურის უკვე ყოფილი ხელმძღვანელი ლევან იზორია აცხადებს, რომ თანამდებობის დატოვებისა და მისი ელჩად დანიშვნის შესახებ დიდი ხანია, ცნობილია.

როგორც ლევან იზორიამ ჟურნალისტებს განუცხადა, ინფორმაცია, თითქოს ის დასაჯეს, გამოგონილია. მისი თქმით მისი თქმით, შთაბეჭდილება რჩება, რომ მის ძმასთან დაკავშირებული კადრების გამოქვეყნება წინასწარ იყო დადგმული.

„რადგან ასეთი დიდი ინტერესია ამ ფაქტის მიმართ, თავს ვალდებულად ვთვლი, რომ საზოგადოებას ჰქონდეს მეტი ინფორმაცია. ცალსახად აღვნიშნე, რომ ამას აქვს და ჰქონდა შთაბეჭდილება და გუშინ კიდევ უფრო გამიმყარდა, რომ გარკვეული სცენა იყო დადგმული. კერძოდ, ადამიანი, რომელიც ხუთი წელი ინახავდა კადრებს, თურმე მალავდა ამ კადრებს, შემდეგ აჟღერებს ამ კადრებს. თქვენ როგორი შთაბეჭდილება დაგრჩებათ? რომ ემზადებოდა გარკვეული მოვლენისთვის. თუმცა ამ ადამიანსვე პოლიციაში არანაირი შეზღუდვა, არავითარი შევიწროება არ ჰქონდა. ამას მოწმობს მისი დაწინაურების ფაქტი, ამას მოწმობს ის, რომ მას ჰქონდა ყველანაირი პირობა, შეესრულებინა თავისი საქმიანობა. ასე რომ, საუბარი ჩარევაზე, ზეწოლაზე, საუბარი თუნდაც იმაზე, რომ ჩემი მხრიდან შემხებლობას ჰქონდა ადგილი, არის აბსურდი და ზედმეტი “, – განაცხადა ლევან იზორიამ.

ლევან იზორიამ დაადასტურა, რომ თანამდებობას ტოვებს და განცხადა, რომ გერმანიაში საქართველოს ელჩად განაგრძობს მუშაობას.