"ქართული ოცნება გადახაზულია უკვე დასავლეთისთვის" - კონგრესმენთა მწვავე გზავნილებს ოპოზიციაში ეხმაურებიან

პოლიტიკა - 13:09, 25 Jan, 2020

1249

მორიგი ამერიკელი კონგრესმენების უმწვავესი გზავნილები საქართველოს ხელისუფლებას - კონგრესმენთა მწვავე კრიტიკის ტალღას თბილისში ეხმაურებიან.

ოპოზიციაში აცხადებენ, რომ მსგავსი პრეცენდენტი აქამდე არ ახსენდებათ, მათ შორის ედუარდ შევარდნაძის მმართველობის ბოლო ფაზაშიც კი.
"ყველა ეს ხალხი არის უაღრესად შეწუხებული მათი პრაგმატული და ღირებულებითი ინტერესების გამო. იმის თაობაზე რაც ხდება საქართველოში და კერძოდ, ივანიშვილს და მისი გუნდს საით მიჰყავს ეს ქყეყანა. ამან შეწიძლება დააზიანოს საქართველოს ინტერესები და უკვე აზიანებს და მათი აზრით ზიანდება ამერიკის ინტერესებიც. კრიტიკის ეს ტალღა, რომელიც ივანიშვილის საერთაშორისო იზოლაცის და თუ ის გააგრძელებს ძალადობის დღევანდელ კურსს და არ წავა იმაზე, რომ უკან წაიღოს შეურაცხყოფა და ქართველებს მისცეს ის, რაც დაპირდა გავრილოვის სისხლიანი ღამის შემდეგ, მაშინ ეს ყველაფერი გაღრმავდება" - აცხადებს "ევროპული საქართველოს" ერთ-ერთი ლიდერი გიგა ბოკერია.
გიორგი ვაშაძე ამბობს, რომ დამოუკიდებელი საქართველოს ისტორიაში საქართველოს მთავრობას პირველად უწოდეს კორუფციული და ის აღარ არსებობს, როგორც პროდასავლური ძალა.
"დამოუკიდებელი საქართველოს ისტორიაში საქართველოს მთავრობას პირველად უწოდეს კორუფციული. ეს არის სამწუხარო, მაგრამ ეს არის ის რეალობა, რომელიც ხდება. ქართული ოცნება გადახაზულია დასავლეთისთვის, ის აღარ არსებობს, როგორც პროდასავლური ძალა. დასავლეთი ემზადება და მხარს დაუჭერს იმას, რომ მშვიდობიანი არჩევნებით მოხდეს ხელისუფლების ცვლილება ქვეყანაში" - აცხადებს გიორგი ვაშაძე.