პარლამენტის იურიდიული კომიტეტის თავმდჯომარ ანრი ოხანაშვილი ლევან იზორიას სკანდალზე კომენტარს არ აკეთებს: .„მიაკითხეთ ბატონ ლევანს და ის გაგცემთ პასუხს“ უთხრა "ოცნების" დეპუტატმა თემით დაინტერესებულ ჟურნალისტებს.

„ლევან იზორია მე ანგარიშს ვერ ჩამაბარებს იმის თაობზე, თუ სად არის,“- უთხრა მედიას ოხანაშვილმა.

"სწორედ ჩვენი ხელისუფლების პირობებში არის უზრუნველყოფილი კანონის წინაშე ყველას თანასწორობა. ვინმე დაარღვევს კანონს - მოეთხოვება პასუხი. ასეთი ხელშეუხებელთა კასტა არ არსებობს და ვერ იარსებებს. ჩემი ინფორმაციით, ამ საკითხთან დაკავშირებით გამოძიებაც დაყწყებულია. ასევე, ერთი საინტერესო ფაქტი, თუ შენი ამოცანაა, რომ პოლიციელის ღირსება, მუნდირი, დაიცვა, 5 წელი როგორ ინახავ ამ კადრს და არ ავრცელებ, თუ ინტერესი გაქვს, რომ გამოძიება დაიწყოს, პოლიციელი ხარ, სწორედ პოლიციელის ინტერესებშია, რომ გამოძიება დაიწყოს და გაიხსნას საქმე და როცა არ აკეთებ, ეს, ცოტა არ იყოს, ნაციონალური მოძრაობის ნარატივში ჯდება",-თქვა ოხანაშვილმა.

მთავარმა არხმა გამოაქვეყნა ვიდეო, რომელშიც ჩანს, თუ როგორ აკავებს პოლიციელი გიორგი დვალიშვილი ადმინსტრაციული წესით თაცდაცვის ყოფილი მინისტრის, ლევან იზორიას ძმას, ვახო (კიტა) იზორიას. ჩარევის შემდეგ იზორიას ათავისუფლებენ. კადრები 2014 წელსაა გადაღებული, ლევან იზორია ამ დროს შინაგან საქმეთა მინისტრის თანამდებობას იკავებდა.