"ოცნების" დეპუტატი, ირაკლი კობახიძე ამერიკელი კონგრესმენების მიერ გიორგი გახარიასთვის გამოგზავნილ უმწვავეს ეხმაურება.

კობახიძე ამბობს, რომ "ნაციონალური მოძრაობის მხარდამჭერი" განცხადებები 2012 წელსაც ვრცელდებოდა.

მისი თქმით, მიუხედავად იმისა, რომ მაშინ კონგრესმენების ნაწილი "ხელს აძლევდა" ნაციონალურ მოძრაობას, მაინც "სიმართლემ გაიმარჯვა" და ახლაც ასე მოხდება.

"2012 წლამდე განცხადებები კეთდებოდა, რომ იყო გარემო დემოკრატიული, ციხეებში იყო ყველაფერი კარგად, დემონსტრანტების წინააღმდეგ არავინ არ იყენებდა ძალას და ა.შ.

საზოგადოება ხედავდა, რომ იყო ძალიან მძიმე ვითარება შექმნილი, განსაკუთრებით ადამიანის უფლებების კუთხით, მედია იყო მთლიანად მონოპოლიზებული და კონგრესმენები ან ევროპარლამენტარები წერდნენ თავის წერილებში, რომ მედიაპლურალიზმი იყო უზრუნველყოფილი... მაშინაც იყვნენ კონგრესმენები, რომელთა განცხადებები საბოლოო ჯამში ხელს აძლევდა ნაცმოძრობას, მაგრამ ბოლოს ყოველთვის იმარჯვებს სიმართლე"- განაცხადა კობახიძემ.