"კონგრესმენების ამ წერილებს შეიძლება, მოჰყვეს შესაბამისი ფინანსური ინსტიტუტების გადაწყვეტილებები, რომ ქვეყანაში არასტაბილური ეკონომიკური ვითარებაა"

"კონგრესმენების ამ წერილებს შეიძლება, მოჰყვეს შესაბამისი ფინანსური ინსტიტუტების გადაწყვეტილებები, რომ ქვეყანაში არასტაბილური ეკონომიკური ვითარებაა" - დავით ჭიჭინაძე

პოლიტიკა - 11:47, 23 Jan, 2020

827

დამოუკიდებელი დეპუტატი და მოძრაობა "ტრიბუნას" დამფუძნებელი დავით ჭიჭინაძე კონგრესმენების უმწვავეს წერლს ეხმაურება.ჭიჭინაძე აცხადებს, რომ კონგრესმენების, სენატორების ამ წერილებს შეიძლება, მოჰყვეს იმ შესაბამისი ფინანსური ინსტიტუტებისგადაწყვეტილებები, რომ ქვეყანაში არასტაბილური ეკონომიკური ვითარებაა.

„ ისღა დარჩენიათ ამერიკელი იმპერიალისტებიო დაამატონ და მათი გამონათქვამი საბჭოთა კომკავშირელთა გამონათქვამების იდენტური იქნება.

როდესაც უცხოელი ბიზნესმენი ნახავს, რომ საქართველოზე ყველა ჟურნალ-გაზეთში ცუდი იწერება და წაიკითხავს, რომ საქართველოში მდგომარეობა გაუარესდა, ქვეყანაში ფულის ჩადებაზე აღარავინ იფიქრებს და ეს ფაქტია.

ჩვენი ეკონომიკა არ არის მდგრადი ეკონომიკა, ძალიან მოწყვლადია და სწორედ ამ გარე შეფასებებზეა დამოკიდებული. აი ამიტომ არის ამ ნაწილშია მათი შეფასებები მნიშვნელოვანი.

ახლა კი, კონგრესმენების, სენატორების ამ წერილებს შეიძლება, მოჰყვეს იმ შესაბამისი ფინანსური ინსტიტუტების გადაწყვეტილებები, რომ ქვეყანაში არასტაბილური ეკონომიკური ვითარებაა.

და „ოცნების“ ეს ახალგაზრდები რომ გამოდიან და კონგრესმენების განცხადებებზე გაუგონარ რაღაცეებს ამბობენ, ბარემ, ერთი სიტყვა, ამერიკელი იმპერიალისტებიო დაამატონ და მათ გამონათქვამებსა და საბჭოთა კომკავშირელთა გამონათქვამებს შორის განსხვავებაც აღარ იქნება. ისე, ვენესუელას ლიდერი, მადუროც ასეა.

მოკლედ, მოყვარეს პირში უძრახეო, ქართველების ნათქვამია, ამერიკელების არა და როდესაც რაღაცაზე მიგითითებენ, უნდა გაითვალისწინო.“ - აცხადებს დავით ჭიჭინაძე.