კონგრესმენების მწვავე წერილი გახარიას - ჩუგოშვილი კანონის მოთხოვნაზე საუბობს და დოკუმენტის გასაჯაროების ვალდებულებაზე საუბრობს

პოლიტიკა - 15:23, 22 Jan, 2020

932

ქართული ოცნების ყოფილი ვიცე-სპიკერი თამარ ჩუგოშვილი გიორგი გახარიასათვის ამერიკელი კონგრესმენების მიერ გაგზავნილ წერილს ეხმაურება.

ჩუგოშვილი გახარიას ადმინისტრაციას კანონის მოთხოვნას ახსენებს და იმედს გამოთქვამს, რომ კანცელარია წერილს გაასაჯაროებს.

"კონგრესმენების წერილი არის საჯარო ინფორმაცია და ის ხელმისაწვდომი უნდა იყოს დაინტერესებული პირებისთვის. მთავრობის რეაგირება პირველ წერილზე, იმის ნაცვლად, რომ კითხვებისთვის ეპასუხა და წუხილები მოეხსნა, კიდევ უფრო გაზარდა წუხილები და კიდევ უფრო მეტი წინააღმდეგობა გამოიწვია კონგრესის წევრებში. პლიუს ამას, მნიშვნელოვანია ისიც, რომ ამჯერად აღარ არის მხოლოდ ორი კონგრესმენი, მიუხედავად იმისა, რომ საქართველოსთვის ეს ორი ადამიანი არის ძალიან მნიშვნელოვანი, მე არაერთხელ მითქვამს, რომ ყველაფერი, რაც ქვეყანას სჭირდებოდა, ამ ორი ადამიანის დიდი ძალისხმევით კეთდებოდა," - ამბობს ჩუგოშვილი.

მთავრობის ადმინისტრაცია ამ დრომდე არ ასაჯაროვებს წერილს, რომელიც პრემიერმინისტრმა, გიორგი გახარიამ, 4 ამერიკელი კონგრესმენისგან მიიღო.