70 ათასი ლარი გურჯაანის მერიის ავტომობილებისთვის: „მანქანა დაამტვრია და ხელისუფლება საჩუქარს უკეთებს“

პოლიტიკა - 13:17, 22 Jan, 2020

1231

გურჯაანის მერია ახალ ავტომობილებს ყიდულობს, რისთვისაც ადგილობრივი ბიუჯეტიდან 70 ათასი ლარია გამოყოფილი. ამ გადაწყვეტილებას საკრებულოში ოპოზიციის პროტსტი მოჰყვა.

გიორგი ბოტკოველი ამბობს, რომ გურჯაანის მერმა სამსახურეობრივი ავტომობილი ავარიაში დაამტვრია და სახელმწიფოსთვის ზარალი ამ დრომდე არ აუნაზღაურებია.

არჩილ ხანდამაშვილი ამტკიცებს, რომ ავტომობილებს არა თავისთვის არამედ ზედამხედველობისა და ინფრასტურქტურის სამსახურებისთვის იყდულობს.

„მერიის მხრიდან გავრცელდა არასწორად ინფორმაცია, რომ თითქოს მერისთვის უნდა ყოფილიყო შეძენილი, ეს არის დეზინფორმაცია, ასე არ არის. გამოყოფილი რაც არის 70 ათასი ვადასტურებ და უნდა შევიძინოთ და დაგეგმილის ასე იყო რომ უნდა შეძენილიყო ამ ორი სამსახურისთვის“ - ამბობს გურჯაანის მუნიციპალიტეტის მერი.

„ძალით რომ მიერეკებოდნენ საჯარო სამსახურის თანამშრომლებს, იმ დროს დაამტვრია მან ავტომანქანა და არავის პასუხი არ უგია ამაზე. დღევანდელი ხელისუფლება მას უკეთებს საჩუქარს და ახალ მანქანას ყიდულობს. ჩვენ აუცლებლად შევისწავლით ამ დოკუმენტაციას“ - განაცხადა ენმ-ის კახეთის რეგიონის ხელმძღვანელმა და საკრებულოს დეპუტატმა გიორგი ბოტკოველმა.