"ივანიშვილის დაბრუნება პრემიერად, ან სიის პირველ ნომრად, ეს გადაუდებელი რეალობაა"

"ივანიშვილის დაბრუნება პრემიერად, ან სიის პირველ ნომრად, ეს გადაუდებელი რეალობაა" - დავით ჭიჭინაძე

პოლიტიკა - 16:53, 17 Jan, 2020

1034

დამოუკიდებელი დეპუტატი და მოძრაობა "ტრიბუნას" დამფუძნებელი დავით ჭიჭინაძე მიიჩნევს, რომ ბიძინა ივნიშვილის დაბრუნება პრემიერად, ან სიის პირველ ნომრად გადაუდებელი რეალობაა.
მისი თქმით, თუ ივანიშვილი ამ ნაბიჯს არ გადადგამს ის პარტიას დაკარგავს.

"გიორგი გახარიამ „ქართული ოცნების“ მკვლელის როლი შეასრულა.

მისი შს მინისტრობის პერიოდში დაიღვარა ყველაზე მეტი სისხლი, „ქართული ოცნების“ მმართველობის პერიოდში.

გახარიამ მოახერხა ისიც, რომ „ოცნება“ „ნაციონალურ მოძრაობას“ გაუთანაბრა.

ანუ, ივანიშვილს საკმაოდ სერიოზული გამოწვევა უკვე შიგნით, პარტიაში აქვს და ამიტომ, მისი დაბრუნება პრემიერად, ან სიის პირველ ნომრად, ეს გადაუდებელი რეალობაა.

და თუ ივანიშვილი ამ ნაბიჯს არ გადადგამს, ის პარტიას დაკარგავს.

რადგან კახი კალაძის სახით უკვე გამოიკვეთა კონკრეტულად ფიგურა, რომელიც პარტიის საკუთარ თავზე მორგებას ცდილობს.

„ქართული ოცნების“ დეპუტატების დიდ ნაწილს კი, მორალი და მდგრადობა ნაკლება გააჩნიათ. ისინი ადვილად ბარგდებიან იქ, სადაც ახალი სიმძიმის ცენტრი ჩნდება" - აცხადებს დავით ჭიჭინაძე.