ლავასოღლის და სხვა კრიმინალებს ხელისუფლება არჩევნებზე, ზეგავლენისთვის გამოიყენებს - ოპოზიციაში ეჭვი არ ეპარებათ, რომ მინდია გორაძის ექსტრადირებას "ოცნება" ხელოვნურად აჭიანურებს

პოლიტიკა - 10:20, 17 Jan, 2020

1834

ლავასოღლის და სხვა კრიმინალებს ხელისუფლება არჩევნებზე ზეგავლენისთვის გამოიყენებს. ოპოზიციაში ეჭვი არ ეპარებათ, რომ ლავასოღლის, იგივე მინდია გორაძის ექსტრადირებას ხელისუფლება ხელოვნურად აჭიანურებს ."ევროპული საქართველოს" ერთ-ერთი ლიდერი, გიგი უგულავა ამბობს, რომ "ლავასოღლის სერვისით ქართულ ოცნებას ბევრჯერ უსარგებლია.
მისი თქმით, მინდია გორაძე პრაქტიკულად "ოცნების" პოლიტიკური პარტნიორია არცევნებზე, განსაკუთრებით მაშინ, როცახელისუფლებას არჩევნებზე უჭირს.

"ლავასოღლის სერვისით ქართულ ოცნებას ბევრჯერ უსარგებლია, ის პრაქტიკულად მისი პოლიტიკური პარტნიორია არცევნებზე, განსაკუთრებით მაშინ, როცა ქართულ ოცნებას არჩევნებზე უჭირს. და ხელი ხელს ბანს პრინციპით ლავასოღლისაც არაერთხელ უსარგებლია "ოცნების" ხელისუფლებით. ეს კონკრეტული შემთხვევაც როგორც ჩანს ამ რიგის შემთხვევაა. პროკურატურამ შეიძლება თქვას, რომ უფროსი არავინ არის და მომკითხავი არავინ არ არის და სწორედ ამიტომ დავაგვიანეთ წერილზე პასუხიო. ფაქტია, ეს ადამიანი თებერვალში ციხიდან იმის გამო გამოვა, რომ ქართულმა მხარემ არ მოითხოვა მისი ექსტრადიცია. ბათუმს ვერარ მოგაგებინებთ მეგობრებო, თქვენი დრო წასულია, გინდა ლავასოღლი გამოიყვანეტ და უნდათ თეფში დაატრიალონ და სხვა კანონიერი ქურდების სული გამოიძახონ მაინც არაფერი უშველით" - აცხადებს გიგი უგულავა.