C ჰეპატიტის სამკურნალო ვადაგასული პრეპარატები - აუდიტის სამსახური განმარტებას აკეთებს

პოლიტიკა - 17:34, 16 Jan, 2020

924

C ჰეპატიტის სამკურნალო 560 645 083 ლარის ღირებულების მედიკამენტებს ვადის გასვლის სკანდალზე დღეს კომენტარი გააკეთა დავით სერგეენკომ, რომელმაც თქვა, რომ ინფორმაცია იმის შესახებ, რომ პრეპარატებს ვადა გასდიოდათ ქვეყნის პარტნიორებიც ფლობდნენ.

ვადაგასულ პრეპარატებთან დაკავშირებით სერგეენკოს ამ განცხადების შემდეგ, „ნიუპოსტმა“ აუდიტის სამსახურს მიმართა.

სახელმწიფო აუდიტის სამსახურის მედიასა და საზოგადოებასთან ურთიერთობის სამსახურში განმარტავენ, რომ ჯანდაცვის სამინისტროს ფინანსური აუდიტის ანგარიშში დასახელებული ცე ჰეპატიტის სამკურნალო მედიკამენტების ღირებულება- 560,645,083 ლარი - ასახულია სამინისტროს მიერ მომზადებულ კონსოლიდირებულ ფინანსურ ანგარიშგებაში, 2018 წლის 31 დეკემბრის მდგომარეობით.

„ფინანსური აუდიტი წარიმართა აუდიტის საერთაშორისო სტანდარტის შესაბამისად, რომლის თანახმად სახელმწიფო აუდიტის სამსახურს არ აქვს ვალდებულება განახორციელოს სხვა უწყებაში აღრიცხული აქტივების გადაფასება.

უწყების ფინანსურ ანგარიშგებაში არსებული აქტივების სამართლიანი ღირებულებით წარდგენა უშუალოდ სამინისტროს ვალდებულებას წარმოადგენს“ - აცხადებენ აუდიტის სამსახურში.