ქობულეთში, აღმაშენებლის ქუჩაზე, ''სოკარ ჯორჯია გაზის'' ოფისში დააყაჩაღეს. ბოტოტმოქმედები შენობაში გამთენიის 4 ასაათზე შეიჭრნენ და ჩასარიცხი აპარატის გატეხვა სცადეს საბოლოოდ კი დაცვის თანამშრომელი დააბეს.
"სოკარის" ოფისში საგამოძიებო მოქმედებები მიმდინარეობს. ჯერ-ჯერობით უცნობია მოახერხეს თუ არა თავდამსხმელებმა თანხის წაღება.
''შემთხვევა დაახლოებით ღამის 4 საათზე მოხდა, ქობულეთის სერვის ცენტრში ტავდამსხმელი შევიდა. სავარაუდოდ უნდოდათ გადახდის აპარატის გახსნა. გაკოჭეს დაცვის ერთი თანამშრომელი და აპარატის გატეხვა სცადეს. ძალოვანი უწყებები ბრძანდებოდნენ და მიმდინარეობს გამოძიება. ჯერ-ჯერობით დამატებითი ინფორმაცია არ გვაქს. დაცვის თანამშრომელს დაზიანებები არ ჰქონია, როგორ თავად თქვა ძალადობას ადგილი არ ჰქონია, ის პოლიციაშია გამოკითხვაზეა. რითი შეკოჭეს არ ვიცი ან თოკით, ან სკოჩით. მე რომ დამირეკეს პოლიცია უკვე ადგილზე იყო'' - აცხადებს ვახტანგ ბერიშვილი, ''სოკარ ჯორჯია გაზის'' აჭარის რეგიონული ოფისის ხელმძღვანელი.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 179-ე მუხლით დაიწყო, რაც ყაჩაღობას გულისხმობს.
მასალის გამოყენების პირობები