გამოკითხულთა 19% თვლის, რომ მათ შეხედულებებთან ყველაზე ახლოს პარტია „ქართული ოცნებაა“, 13% „ნაციონალურ მოძრაობას“ ასახელებს, ხოლო 7% - „ევროპულ საქართველოს“

გამოკითხულთა 19% თვლის, რომ მათ შეხედულებებთან ყველაზე ახლოს პარტია „ქართული ოცნებაა“, 13% „ნაციონალურ მოძრაობას“ ასახელებს, ხოლო 7% - „ევროპულ საქართველოს“ - NDI-ის კვლევა

პოლიტიკა - 10:05, 16 Jan, 2020

1789

ამ წუთებში ეროვნულ-დემოკრატიული ინსტიტუტი (NDI) მედიას 2019 წლის სოციოლოგიური კვლევის შედეგებს აცნობს. კვლევის მიხედვით, გამოკითხული მოსახლეობის 20% მიიჩნევს, რომ მათ შეხედულებებთან ყველაზე ახლოს არცერთი პარტია არ დგას, 19% თვლის, რომ მათ შეხედულებებთან ყველაზე ახლოს მდგარი პარტია „ქართული ოცნებაა“, 14%-ს კითხვაზე პასუხის გაცემა არ სურს, 13% ასეთ პარტიად „ნაციონალურ მოძრაობას“ ასახელებს, ხოლო 7% „ევროპულ საქართველოს“.

აღნიშნულ ჩამონათვალს მოჰყვება „ლეიბორისტული პარტია“ 6%-ით, „პატრიოტთა ალიანსი“ 5%-ით, „ახალი საქართველო“ 4%-ით, „დემოკრატიული მოძრაობა“ 3%-ით, „გირჩი“ 2%-ით.

ხვალ რომ არჩევნები ტარდებოდეს ოპოზიცია "ქართულ ოცნება" დიდი განსხვავებით მოუგებდა.
დღეს პოლიტიკურთან ერთად საზოგადოებრივი ნაწილიც გასაჯაროვდება და ცნობილი იქნება თუ როგორია მოსახლეობის დამოკიდებულება სახელმწიფო ინსტიტუტების მიმართ.

კვლევის საველე სამუშაოები ჩატარდა 2019 წლის 19 ნოემბერი-13 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით), 2,180 პირისპირ ინტერვიუს წარმომადგენლობითი შერჩევის საფუძველზე.